Smasmalkra 9:8 - DAWAN BÎLA AISKA

⁸ Piu sut ra kwalkam pihni dimi bas; lamla ra sin isint kîa pain nani ba mangki bas.

Smasmalkra 9:8 Iomraidhean Croise

2 Samuil 14:2

Joab bui Tecoa ra blikan, mairin âuya mâira kum bâra iwi kan ba bri balan, bara witin ra win: “Kunin kum dauks, mairin kum upla kum pruan sarka yu ailal sari taki kan ba baku, kwala siksa dims, bamna isint bara batana sin aimakpara.

2 Samuil 19:24

Mefi-bóset, Saúl luhpia ba sin bal takan, king wal prawaia. Baha yua king taki wan ba wina, witin kli yamni pain tawi balan ba kat, witin ai mina sikbras, ai unmaya sin irbras, ai prâka sin tuskras kan.

Ester 8:15

Bara Mardoqueo ba king watla ba wina, king kwalka mapla sangni bara pihni wal dimi taki wan; baha purkara sin, kraun gul wal daukan kum bara kwala mapla linin kumi sin pami brih taki wan. Bamna Susa tawanka aiska ba lilia tara pali brin,

Lawana Nani 23:5

Pata tara kum yang piaia man bui ridi ai daukram, waihli nani mawan kat; batana laya ni laila ra laikram bara kapki ba banhki pali daukram.

Daniel 10:3

Plun auhni nani piras katna, wîna bara wain sin kangbras katna, isint sin wîni ra mangkras katna baha wik yumhpa luan ba kat.

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Matiu 6:17

Sakuna man, plun piras sma ba ra, tâmwa pain aubi bara mamwan sin siks,

Luk 7:46

Man mita laila ra batana mangkras, sakuna mairin na batana kîa pain ba ni mini nani ra yukan.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.

Rut 3:3

Bamna man aihtabi taks, isintkam aimaks, kwala kau pain ba dims, bara nasla ra was. Ban sakuna, witin mai kaikbiara, bîla kaiki bas witin ai pata pih bara dih lubia ba ningkara.