Smasmalkra 9:3 - DAWAN BÎLA AISKA

³ Naha sika saurka sut ba, naha tasba ra diara sut taki ba wina, sut ra sim dukia bîla kaikisa, tani wala ra kaikri, upla lukanka sut ba, saura ni banhwan sa, sinskas lâka mita ai sinska ra taibi brisa, ai rayaka aiska ra; bara tnata piua ra lika, ¡raiti kat wabia!

Smasmalkra 9:3 Iomraidhean Croise

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Job 15:16

¡Kau pali upla saurakira ba ra bahki kulkan ba, lî di ba baku saurka lâka dauki ba!

Job 21:26

Ban sakuna, raiti ra lika sut ba kumi sa, kumi ra bara wala ra sin liwa nani mita pîsa.

Job 9:22

Diara nani sut ba, wal aikuki kumi baku sa. Bara naha tânka sika kaikisna ba: Witin mita pâtkira nani ba bara pâtkas nani ba sin, sut aikuki baku sauhki tikisa.

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Lawana Nani 64:7

Dawan bui witin nani ra ai trisbaya nani wal ai dahra walras kaka sabia;

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Smasmalkra 2:14

Sinskira ba ai nakra nani pain diara kaikisa, sakuna taniskira nani ba tihmia ra wataukisa. Ban sakuna tâinka briri, sut ra sim baku bîla kaikisa.

Smasmalkra 7:2

Kau yamni sa, pruan kum bikaia waia ba wihki lilia pliska ra wih lilia briaia ba wal, kan prura ba sika upla sut yua tnata lâska ba bara raya nani ba, aitani sa sin ai kupia kraukaia.

Smasmalkra 7:25

Bara yang sins lâka plikri, diara tânka briaia sin, bara stadi munaia bara plikaia sins tânka kum wal prakaia. Bara daihra walri sinskas kaia ba yamni apia sa, sinskas kaia ba saura pali sa.

Smasmalkra 8:11

kan alki klala yaras ai saurka daukan ba mana, naha tâka mita upla kupia ra tuskisa saura daukaia baman.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Smasmalkra 9:2

Tnata piua ra, sut ra sim baku bîla kaikisa, kasakkira bara kasak apia ra, upla yamni ra bara upla saura ra, sunu ra bara sunu apia ra, sakripais dauki nani ra, daukras nani ra, baku sin upla pain nani ra, upla saurakira ra, pramis dauki nani ra bara daukras nani ra sin.

Smasmalkra 9:4

Bîla kaikanka kau brisa, baha nani kau raya iwi kaia sanska yaban ba, kan kau yamni sa, yul raya kum ba wihki layan pruan kum ba wal.

Jirimaya 16:12

Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Luk 15:17

Bâra mika witin ai kupia wal aisin: ‘¡Papiki watla ra wark uplika nani ba plun manis brisa, kuna yang lika nahara plun bla pruisna!

Luk 6:11

Sakuna wala nani sut ba ai kupia kasak baikan, bara witin nani ai tilara pana pana makabi wali kata, Jisas mapara dîa daukaia sapa.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Apastil Nani Sturka 26:11

Aima ailal sin witin nani ra klala yâri, ai kasak lukanka ba swibia wisi. Naha dauki kapri Ju nani priaska watla bani ra. Witin nani mapara sin kupi baiki ban nina bliki rausauhki kapri, plis tringsar nani ra sin.

Apastil Nani Sturka 26:24

Naha diara nani na wal Pal ai tânka param saki aisin ba ra, Festo ai tâ baiki wini, aisin: —¡Pal, man diara uya stadi munram ba mita lamla grisi takan!

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

2 Pita 2:16

sakuna Balaam saurka ba dukiara, biriku mairin bîlas kumi mita, upla baku witin ra aisi lawi daukan, bara sins âpu lâka ba wina sin takaskan.