Smasmalkra 9:15 - DAWAN BÎLA AISKA

¹⁵ Bara baha tawanka ra upla umpira kumi iwisa, sakuna sinskira sa, ai sinska lâka wal sip sa baha tawanka ba swaki sakaia, ¡bara witinka ai dukiara upla kumi sin ai kupia kraukras sa!

Smasmalkra 9:15 Iomraidhean Croise

Blasi Sturka 40:23

Ban sakuna, wain glas ra lalaikra waitna ba Josep dukiara ai âuya lap tiwan, kli sin ai kupia krawras kan.

2 Samuil 20:22

Baha ningkara mairin ba wan, bara ai âuya mâira lâka ba wal tawan uplika sut kupia alkan ba ra, witin nani Sebá lal dakbi, Joab ra lulkan. Bara Joab win trumpit ba puhban bara tawan ba wina taki wan, kumi bani ai watla ra; Joab lika Jerusalem ra kli tawi wan king wal aisaia.

Sins Lâka 21:22

Sinskira ba, tawan karnakira pain kan kahbi bri ba mapara aiklabisa, bara witin nani luki tniwi kan ba karnika batakan.

Smasmalkra 2:16

Kan upla kumi sin sinskira bara taniskira dukiara ai kupia kraukbia apia, piua nani lui auya ba wâlsut ai âuya tikisa, kan sinskira nani bara taniskira nani ba, wâlsut sim baku pruisa.”

Smasmalkra 4:13

Kau kanra yamni sa, wahma kum umpira sakuna sinskira ba wihki king almuk kum tanis, upla smalkan walras ba wal.

Smasmalkra 7:19

Sins lâka ba kau karnika yabisa, sinskira ra, wihta tara matawalsip tawan kum bilara ba wal.

Smasmalkra 8:10

Baku sin, watawikira nani ra kaikri, holi pliska ba wina laihura kan, sakuna pruan bikaia ra mayuni kata; bara baha tawanka ra saura daukan ba, upla kumi sin ai kupia kraukras. Bara naha na tânka âpu sa,