Smasmalkra 9:11 - DAWAN BÎLA AISKA

¹¹ Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Smasmalkra 9:11 Iomraidhean Croise

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

2 Kronikas 20:15

bara win: “Kasak pali wali banhs, Juda bara Jerusalem uplika nani, bara man, king Josafat. Dawan bui man nani ra mai wisa: ‘Si bripara, man nani tâ iwan sin takpara baha suldiar kwâra tara ba mapara, kan naha warkka na man nani dukiam apia, sakuna Dawan dukia sa.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Lawana Nani 76:5

Kupia karnira nani ba saki lulkram; kau karna nani ba, diara sip dauki banhras; ¡kan witin nani ba sut mahka yapi banhwan!

Sins Lâka 1:5

Ya sinskira bara lal swapni ba lika walbia, bara diara kau lan takaia plikbia,

Smasmalkra 2:12

Ningkara yang sins lâka ba dukiara luki kaikri, sinskas lâka bara brinka lâka ba sin: ¿Dîa sip kau daukbia, yang ningkira king aimakbia ba, kan baha pat kanra daukan sa?

Smasmalkra 3:14

Baku sin kaikisni, Gâd diara sut daukan ba ban kaia ra ba kabia. Baha sin kau pura prakras, bara dakbi sin sakras; Gâd ba baku daukan sa, bahara kaiki upla witin ra kulkbia dukiara.

Smasmalkra 3:17

Baku bamna, Gâd kasakkira nani lâka daukbia, saura dadaukra nani lâka sin, kan diara sut taki ba ai piua brisa, bara baha dauki ba dukiara sin.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Smasmalkra 4:4

Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Smasmalkra 7:13

Kasak pali kaiks, Gâd diara daukan ba: ¿ya sip sa witin warha daukan ba wapni daukaia?

Smasmalkra 9:2

Tnata piua ra, sut ra sim baku bîla kaikisa, kasakkira bara kasak apia ra, upla yamni ra bara upla saura ra, sunu ra bara sunu apia ra, sakripais dauki nani ra, daukras nani ra, baku sin upla pain nani ra, upla saurakira ra, pramis dauki nani ra bara daukras nani ra sin.

Smasmalkra 9:3

Naha sika saurka sut ba, naha tasba ra diara sut taki ba wina, sut ra sim dukia bîla kaikisa, tani wala ra kaikri, upla lukanka sut ba, saura ni banhwan sa, sinskas lâka mita ai sinska ra taibi brisa, ai rayaka aiska ra; bara tnata piua ra lika, ¡raiti kat wabia!

Jirimaya 46:6

¡Plaplapra nani ba plapaikas takan, kau tahplu nani plapi swak takras! Yahbra ra, Éufrates awala lamara, ai mina pruki kauhi banhwisa.

Jirimaya 48:14

“Moab aisabiara: ‘Yang nani tahplu nani, aiklaklabra nani karna sna.’

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

1 Samuil 17:50

Baku Debit filisteo ba pura luan, praukpraukia ni walpa kumi bri sabi ikan. Bara sord brih waras kan bamna,

1 Samuil 6:9

Sakuna naha kaiki bas: bîp nani ba Bet-semes yabalka ra wabia sapa, ai tasbaya mata, baha tânka ba wan marikisa Gâd wina wan purara ai lawanka ba blikan. Sakuna baku waras kabia kaka, baha tânka ba wan marikisa, Israel Gâdka wina klala ba wankras kan, sakuna klala ban baku bîla kaikras kan wan purara balan.