Smasmalkra 8:5 - DAWAN BÎLA AISKA

⁵ Upla kum adar kat dauki ba, saura kumi sin takbia apia, upla sinskira ba sin tânka brisa, aihka bara nahki win ba kat daukaia.

Smasmalkra 8:5 Iomraidhean Croise

1 Kronikas 12:32

Isacar kiamka wina, upla daknika kum diara tânka kakaira nani, Israel uplika dîa daukbia ba nu kaia dukiara, 200 lalka nani, ai kiamka waitnika nani aiska witin wal kan ba.

Lawana Nani 119:6

Bâra mika swiri daukan kabia apia, yang bui man lâmka bîla nani kat daukisna ba ra,

Impakan Sturka 1:17

Sakuna grandi mairin nani ba Gâd ra sibrin luki uplika nani kata, bamna dîa king bui witin nani ra win ba kat daukras, tuktan waitna nani ba sin ban swin raya kan.

Sins Lâka 12:21

Upla kasakkira pât kumi sin wauhbia apia, sakuna watawikira nani lika, diara saura nani ni aibanhwan kabia.

Sins Lâka 17:24

Diara tânka alki uplika markka ba, sins lâka bâra sa; sakuna upla taniskira nakra nani ra, mark kum alkaia âpu.

Smasmalkra 10:2

Sinskira lukanka ba pain lâka ra tniwisa, sakuna sinskas nani lukra ba saura ra man tniwisa.

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Smasmalkra 2:14

Sinskira ba ai nakra nani pain diara kaikisa, sakuna taniskira nani ba tihmia ra wataukisa. Ban sakuna tâinka briri, sut ra sim baku bîla kaikisa.

Smasmalkra 8:2

King adarka nani ba dauks, man baku Gâd nina mâki âu takram.

Oseas 5:11

Efraín ba taiban lâka ni taibi brisa, ai raitka bri lâka ba sut krikan, witin nani mita ai raitka ba, gâd kuninkira nani atkan bamna.

Luk 20:25

Jisas pana win: —Bamna Sisar ra yas diara nani Sisar dukia ba, bara Gâd ra yas diara nani Gâd dukia ba.

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

Apastil Nani Sturka 5:29

Sakuna Pita bara apastil wala nani sut, naku win: —Yang nani Gâd bîla ba kau walaia sna, upla nani ra lika apia.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.