Smasmalkra 8:17 - DAWAN BÎLA AISKA

¹⁷ Kau pali tânka briri upla ba sip ai tânka briras sa, Gâd bui dîa dauki ba bara sin dîa tasba ra taki ba, nahki kat tânka briaia pliki kama sin. Ban sinskira bîla wibia, witin tânka brisa, sakuna kasakka pali ba, witin sin kau tânka pliki sakras sa.

Smasmalkra 8:17 Iomraidhean Croise

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.

Lawana Nani 73:16

Naha na tânka briaia lukri, sakuna yang maipara karna pali ai munan.

Smasmalkra 1:13

Bara yang kupi aiska ni tânka plikri, sins lâka ba wal, naha tasba ra diara nani dauki ba. ¡Gâd bui twilkaia dukia wirha nani upla purara sunan ba, baha wal witinka nani ba yaka bawaia dukiara!

Smasmalkra 11:5

Pâsa ba anira auya man sip kaikras sma baku, sim tuktan ai yapti biara ra aipaswi ba baku, man lika Gâd diara dauki ba kaikras sma, witin diara sut papaskra ba.

Smasmalkra 3:11

Witin mita piua kat diara sut pranakira yamni daukan; upla kupia lukanka ra mangkan diara tnata âpu ba tânka, upla ai tânka sip briras sakuna, Gâd diara tara daukan ba, baku sin kau daukaia ba.

Smasmalkra 7:13

Kasak pali kaiks, Gâd diara daukan ba: ¿ya sip sa witin warha daukan ba wapni daukaia?

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.