Smasmalkra 7:9 - DAWAN BÎLA AISKA

⁹ Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Smasmalkra 7:9 Iomraidhean Croise

Blasi Sturka 4:8

Yu kum Ken ai muihni Abel ra win: “Kaisa yawan impaki waia.” Bara baku takan. Witin nani twi ra kan ba ra, Ken ai muihni Abel mapara buan, bara ai muihni ba ikan.

2 Samuil 13:22

Absalón witin mita lika Amnón ra diara kumi sin wiras kan, sakuna ai lakra Tamar ra swira daukan ba dukiara lika misbara kaiki kan.

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

2 Samuil 13:32

Sakuna Jonadab, Debit muihnika, Simá luhpia ba bîla bri aisin: —King tara, baku lukbiara ai luhpia nani sut ba ikan. Amnón baman ikan. Absalón ba pat baku daukaia lukan kata, Amnón bui ai lakrika Tamar ra saura munan yua ba wina.

2 Samuil 19:43

Israel wina uplika nani ba pana win: —Yang nani king purara kau aima matawalsip prais raitki brisna man nani purkamra. Baha purkara sin kiamka nani baku, yang nani ba man nani muihkam almuk nani. Baku bamna, ¿dîa muni bahki wan kulkisa? ¿Yang nani pas luki kaikras katna ki wan kingka ba kli tawi balaia ba dukiara? Ban sakuna, Juda uplika nani ba kau karna aisi kan Israel luhpia nani ba wal.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Sins Lâka 25:8

bara baha wina wal unsabaia, lâ mawanra dimpara, kan witnis wala bâra sa man aisisma ba bahki wiaia, bara tnata ra man pana dîa wiaia tânka briras kama.

Smasmalkra 7:10

Aima kumi sin makabi walpara, dîa kan piua luan ba kau yamni kan, baha makabi walanka ba, sinskira apia sa.

Jona 4:3

Dawan, baha mita sika mamkabisna, yang rayaki na sâkma. Pruamna ba kanra yamni sa ban raya kaia ba wal.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Jona 4:9

Sakuna Gâd pana witin ra aisin: —¿Man aitani lukisma ki naha pispiska pruan ba dukiara kupiam baikaia? —¡Âu, yang aitani lukisna! —Jona pana win—. ¡Yang pruamna kat sin aitani lukisna!

Mark 6:19

Bamna Herodías mita Jan ra misbara pali kaiki kan, ikaia sin luki kan, sakuna witin sip apia kan.

Mark 6:24

Bara taki muni, ai yaptika ra win: —¿Dîa makabamna ki? Bara yaptika win: —Jan Tatahbra lal ba makas.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.