Smasmalkra 7:6 - DAWAN BÎLA AISKA

⁶ Sinskas nani kikra ba, pauta klauhan kiaya ra ami bin ba baku sa, bara sin bahki baman sa.

Smasmalkra 7:6 Iomraidhean Croise

Lawana Nani 118:12

Witin nani ai kutbi ai brin ulu nani baku, sakuna witin ai lawanka ba, kiaya pata ami daswi ba baku daswan; ¡Dawan nina ra yang, witin nani ba sauhki tikamni!

Lawana Nani 58:9

Kiaya dusa nani aswi lap tiwi ba baku kabia, bara ai lawanka karna ba wal, twi kura sangni daiki saki baku daikbia.

Sins Lâka 29:9

Sins bri waitnika ba taniskira wal unsabisa kaka, ai kupia baikbia, lawaska kiki lâka bribia bara diara kumi sin wapni daukbia apia.

Smasmalkra 2:2

Bara yang kikaia wîri baha sin sinskas lâka sa, bara lilia lâka ba sin bahki sa.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 6:25

“¡Alai kabia man nani ra nanara âmyapah brisma ba, kan man nani plun mai dauki kabia bamna! “¡Alai kabia man nani ra, nanara kiki banhwisma ba, kan man nani sari ini banhwi kama!