Smasmalkra 7:2 - DAWAN BÎLA AISKA

² Kau yamni sa, pruan kum bikaia waia ba wihki lilia pliska ra wih lilia briaia ba wal, kan prura ba sika upla sut yua tnata lâska ba bara raya nani ba, aitani sa sin ai kupia kraukaia.

Smasmalkra 7:2 Iomraidhean Croise

Lawana Nani 90:12

Yui nani ba pain kulkaia, yang nani ra ai smalks, bara wan kupia ra sins lâka ba briaia.

Smasmalkra 2:14

Sinskira ba ai nakra nani pain diara kaikisa, sakuna taniskira nani ba tihmia ra wataukisa. Ban sakuna tâinka briri, sut ra sim baku bîla kaikisa.

Smasmalkra 2:16

Kan upla kumi sin sinskira bara taniskira dukiara ai kupia kraukbia apia, piua nani lui auya ba wâlsut ai âuya tikisa, kan sinskira nani bara taniskira nani ba, wâlsut sim baku pruisa.”

Smasmalkra 3:19

Kan kasakka ba upla bara daiwan wal dîa takaia kan ba kumi sa, bara wala ba sin wâlsut pruisa; kan raya ba wingka puhbra sut sin brisa upla kau tara apia daiwan ba wâlsut ba bahki, bahki pali man sa.

Smasmalkra 3:20

Sut plis kumi ra buisa; sut ba tasba yuya ni wan paskan, bara kli tasba yuya ra tawbia.

Smasmalkra 6:6

Kan witin nani 2,000 mani kau iwan kaia sip sa, sakuna ai dukia kukan wal âuyapah bribia apia, ¡bara tnata ra sut pali ba sim pliska ra auya!

Smasmalkra 9:2

Tnata piua ra, sut ra sim baku bîla kaikisa, kasakkira bara kasak apia ra, upla yamni ra bara upla saura ra, sunu ra bara sunu apia ra, sakripais dauki nani ra, daukras nani ra, baku sin upla pain nani ra, upla saurakira ra, pramis dauki nani ra bara daukras nani ra sin.

Smasmalkra 9:3

Naha sika saurka sut ba, naha tasba ra diara sut taki ba wina, sut ra sim dukia bîla kaikisa, tani wala ra kaikri, upla lukanka sut ba, saura ni banhwan sa, sinskas lâka mita ai sinska ra taibi brisa, ai rayaka aiska ra; bara tnata piua ra lika, ¡raiti kat wabia!

Smasmalkra 9:5

Baha purkara raya nani ba ai dahra walisa, witin nani pruaia ba, sakuna pruan nani ba diara tânka sin briras, diara sin win takras, witin nani diara sut âuya tiwan sa.

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Jirimaya 16:8

“Utla kum ra plun ailal piaki kaka bahara dimpara, witin nani aikuki iwi piaia bara diaia luki

Hageo 1:5

Karnika sut alki brisna Dawanka ba, yang mai wisna: ¡Man nani daukankam ba laki pain kaiks!

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Kulki Kaikanka 23:10

Witin nani ba ailal tasba yuya baku sa; ¿ya ba sut kulkaia sip sa ki? ¿Ya sip sa baha numbika ba kulki sakaia? ¡Yamni kaia kan, baha waitnika kasakkira pat pruan ba baku pruri kata, yang pruamna bara witin nani wal baku kamna!”

Matiu 5:4

“Lilia pali sa sari bri banhwi nani ba, kan Gâd mita maisa nihkan kabia bamna.

Kli Smalkanka 32:29

Sinskira kan kaka ai tânka briaia kan, ai dahra walaia kan anira buaia ba.

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.