Smasmalkra 7:12 - DAWAN BÎLA AISKA

¹² Kan sins lâka ba, lalah wal baku wan kaina sunisa, sakuna sins lâka yamnika ba sika, sinskira nani ra rayaka yabisa.

Smasmalkra 7:12 Iomraidhean Croise

Job 1:10

Man mita swiram upla kumi sin witin wîna ra kangbras sa, ai watla uplika nani ra bara diara sut bri ba ra sin apia, diara witin dauki ba sut yamni baman munisma, bara witin sika daiwan kau ailal brisa, lalma tasbaya uplika sut bri ba wal.

Lawana Nani 57:1

Gâdki, kupiam swapni ai kaiks, swapni ai kaiks; yang lika man ra yukuwaiki plikisna, tnamwa mununhtara dimi yukuwamna pât ba lubia kat.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Sins Lâka 14:20

Diara luha uplika ra witin ai uplika bui sin misbara kaikisa, kuna lalahkira ra, upla ailal mita latwan kaikisa.

Sins Lâka 2:11

Wan âuyama lâka nani ba, bara sinska lâka ba sika piu bani ra kainam kahbi kabia.

Sins Lâka 2:7

Dawan ai hilpka ba yabisa bara kan kahbisa wapni pali iwi nani ba ra;

Sins Lâka 3:18

Sins lâka ba, rayaka lâka sa ya baha bri ba; ¡dutki bri alki uplika nani ba, lilia pali sa!

Sins Lâka 8:35

Kan yang ai sakaia ba, sim rayaka pliki sakaia ba baku sa, bara Dawan kupia yamnika lâka bribia.

Sins Lâka 9:11

Tingki manis sins lâka ra, yuam nani kau ailal maikbia, bara rayakam manka nani sin kau pura praki maikbia.

Smasmalkra 10:19

Plun ba lilia piaia dukia sa bara wain ba sin, rayaka ra lilia yaia dukiara sa, sakuna baha dukiara lalah âpu sa.

Smasmalkra 2:13

Bara yang kaikri sins lâka ba kau tara sa, tanis lâka ba wal, ingni ba kau yamni sa tihmia tara ba wal.

Smasmalkra 7:19

Sins lâka ba kau karnika yabisa, sinskira ra, wihta tara matawalsip tawan kum bilara ba wal.

Smasmalkra 9:16

Ban sakuna, yang wisni kau yamni sa sinskira kaia wihki kupia karnira kaia ba wal, baha tilara upla umpira sinska lâka bri ba alki briras kabia sin, aisi ba walras kabia sin.

Smasmalkra 9:18

Sins lâka ba kau yamni sa, war aiklabaia dukia nani ba wal. Swakwanka kumi baman mita sauhkanka tara brih aula.

Aiseya 30:2

Witin nani istikira Idsip ra auya, sakuna witin nani ba yang bîli wina lika makabi walras; king fero karnika wal ai tâ baikaia dukiara, Idsip tnaya distika ra dimi bîla kaikanka brisa.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 33:6

witin mita kaina kaiki ban kabia. Sins lâka ba bara diara tânka kaikaia tânka ba sin diara kukanka bara swaki wan sakisa; Dawan sibrinka lâka ba wan dukia kukanka kum sa.

Jan 12:50

Bara yang kaikisna Aisiki lâka ba lika raya ban kaia dukiara sa. Baku bamna, dîa aisisna ba lika Aisa adarka ba kat aisisna.”

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Kli Smalkanka 32:47

Kan naha lâka na man nani ban isti prak alkaia apia sa, naha lâka na man nani rayakam sa, baha mita baha tasbaya Jordan baila wala ra ba piua wihka iwma, baha tasbaya sika man nani briaisma ba.”

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

Wihta Nani 9:15

Bara kiaya dusa ba witin nani ra win: ‘Âu, man nani kasak pali aihwa yang na man nani kingkam ai mangkaia brin mai daukisa kaka, man nani sut yang distiki ra bal dimaia sma; sakuna yang na man nani kingkam aimakaia brin mai daukras kabia kaka lika, yang wina pauta klauhan buki klauhbia bara Líbano ra yalam dusa nani ba sut angki sauhkan kabia.’