Smasmalkra 7:1 - DAWAN BÎLA AISKA

¹ Kau yamni sa, wan nina pain mayunanka ba wihki, isint kîa painka ba wal. Kau yamni sa prura yua ba wihki, aisubi taki yua ba wal.

Smasmalkra 7:1 Iomraidhean Croise

Job 3:17

Raiti ra upla saurakira nani kupia turbanka lâka ba tnata alkisa; bara swapan nani ba sin baha kat ai riska brisa.

Lawana Nani 133:2

Isint kîa painkira baku sa, prîs nani lal wina iswi auya ba, bara unmaya bâk iswi iwi ban prâka nana kat wi ba.

Sins Lâka 15:30

Wan nakra nani ingnika mita wan kupia lilia sakisa, bara bîla dahra yamni walan ba mita, wan karnika raya wankisa.

Sins Lâka 22:1

Kanra yamni sa mayunra pain bri kaia bara kulkanka sin, gul bara silbar uya briaia ba wal.

Sins Lâka 25:10

upla kum sturka wali ba ra baha mita swiram mai daukbia, ninam sauhkan sturka ba upla sut walbia sîa.

Sins Lâka 27:9

Batana laya kîa yamni ba wal wan kupia lilia daukisa, baku sa wan uplika tawa muni wan smalki ba wan sulka lilia daukisa.

Smasmalkra 10:1

Kukas pruan kum ba bisbaya sa bara kîa pain ra sauhkisa. Sinskas lâka nani isti ba dukiara kau aisisa, sins lâka kulkanka kau bri ba wal.

Smasmalkra 4:2

Bara yang wîri, kau lilia sa baha nani pat pruan ba, kau rayaka bri nani ba wal.

Smasmalkra 7:8

Kau yamni sa, diara kum danh daukaia tâ krikaia ba wal. Kau yamni sa wan kupia alki takaskaia ba wihki wan kupia karna briaia ba wal.

Yamni Kulki Lawana 1:3

Batankam laya kîa ba, wan kakma ra kiawalaia auhni pali sa, man ninam mâkisa, batana laya kîa pain laiwan ba. ¡Baha mita mairin nani ba, uba pali laik mai kaikisa!

Yamni Kulki Lawana 4:10

¡Kaiki yamni sa lihki ai munisma ba, yang laikra lupia, wal kut taki mairka! ¡Wal lihki pulanka ba, wain wal kanra damni sa! ¡Bara batankam laya nani kîa painka ba, sîka mâka kîa bri ba sut ba wal kau kîa pain sa!

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Jona 4:3

Dawan, baha mita sika mamkabisna, yang rayaki na sâkma. Pruamna ba kanra yamni sa ban raya kaia ba wal.

Luk 10:20

Sakuna, pirit saura nani man nani bîlam wali ba ra wisi lilia taki kapara, sakuna ninam nani ba kasbrika purara ulban sa bamna, liliam bas.

Jan 13:2

Jisas ai disaipilka nani aikuki tutni pata pi kan ba ra Judas, Saiman Iskariot luhpia ba, Jisas waihla mihta ra mangkaia lukanka ba dibil mita pat kupia ra mangkan kan. Jisas kaikan ai Aisika mita witin ra karnika aiska pali ba yan sa, bara witin sin Gâd wina balan bara kli Gâd ra auya. Bamna Jisas tibil wina bûi, ai pura kwalka ba saki swi si, kwala pîs kum brih ai maisa ra wilkan.

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Hibru Nani 11:2

Wan damika nani ba aitani kulkan kata, witin nani kasak lukan lâka bri kan bamna.

Hibru Nani 11:39

Baha nani sut kasak lukan lâka bri kan ba mita aitani kulki kan sakuna, Gâd mita pramis daukan kan dukia ba briras;

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”

Rut 3:14

Bara Rut baha tihmia aiska Booz minakla kat yapi lalawan. Lalma kahbi kan kau puk ba ra witin buan, kan Booz bila win: “Upla kaikaia apia sa naha mairin insla ra balan kan ba.”