Smasmalkra 6:6 - DAWAN BÎLA AISKA

⁶ Kan witin nani 2,000 mani kau iwan kaia sip sa, sakuna ai dukia kukan wal âuyapah bribia apia, ¡bara tnata ra sut pali ba sim pliska ra auya!

Smasmalkra 6:6 Iomraidhean Croise

Blasi Sturka 5:5

Bara Adam ai rayaka yua nani sut tasba ra raya iwan ba mani 930. Baha ningkara pruan.

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Job 7:7

Ay, Gâd, kupiam krauks yang rayaki ba lika wan wingka puhbra kumi baku sa, bara yu kumi sin kli lilia brimna apia sa.

Lawana Nani 34:12

¿Man rayakam yua yari brin mai daukisa ki? ¿Rayakam liliaka manis kaikaia brin mai daukisa ki?

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Smasmalkra 2:14

Sinskira ba ai nakra nani pain diara kaikisa, sakuna taniskira nani ba tihmia ra wataukisa. Ban sakuna tâinka briri, sut ra sim baku bîla kaikisa.

Smasmalkra 3:20

Sut plis kumi ra buisa; sut ba tasba yuya ni wan paskan, bara kli tasba yuya ra tawbia.

Smasmalkra 6:3

Upla kum handat luhpa briaia sip sa, bara mani ailal raya kabia, sakuna piua ailal iwbia kra, ai lilia tara briras kaka, bara sin bikras sa kabia kaka, yang wisni kau yamni sa, luhpa prui takan ba, baha uplika ba wal.

Smasmalkra 6:5

bara sin wan yu laptika kaikras kra kabia, kakaira sin takras kabia, kuna kau ris brin kabia wala ba wal.

Smasmalkra 7:2

Kau yamni sa, pruan kum bikaia waia ba wihki lilia pliska ra wih lilia briaia ba wal, kan prura ba sika upla sut yua tnata lâska ba bara raya nani ba, aitani sa sin ai kupia kraukaia.

Smasmalkra 9:2

Tnata piua ra, sut ra sim baku bîla kaikisa, kasakkira bara kasak apia ra, upla yamni ra bara upla saura ra, sunu ra bara sunu apia ra, sakripais dauki nani ra, daukras nani ra, baku sin upla pain nani ra, upla saurakira ra, pramis dauki nani ra bara daukras nani ra sin.

Aiseya 65:20

Bara tuktan nani aisubi taki prui ba âpu kabia, almuk pali taki nani ba sin ai rayaka yua aiska alki prubia. Handat mani alki pruaia ba kau piua apia, bara kau handat mani alkras pruaia ba lahtuban kum.

Aiseya 65:22

Witin nani utla mâkbia apia, upla wala kra iwbia dukiara, witin nani sin mangkbia apia, upla wala baha wina pibia dukiara; kan dus nani rayaka yua bri ba baku, yang upliki nani rayaka yua sin yari bribia, yang upliki nani bâk saki briri ba ai mihta warkka nani liliaka ba bribia.

Jirimaya 17:6

Upla iwras tasbaya ra kiaya baku kabia, upla mita main kaikras: walpa nani tilara pâwi kabia, sâl tasbaya ra, bahara upla kumi sin iwras ba.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.