Smasmalkra 6:3 - DAWAN BÎLA AISKA

³ Upla kum handat luhpa briaia sip sa, bara mani ailal raya kabia, sakuna piua ailal iwbia kra, ai lilia tara briras kaka, bara sin bikras sa kabia kaka, yang wisni kau yamni sa, luhpa prui takan ba, baha uplika ba wal.

Smasmalkra 6:3 Iomraidhean Croise

Blasi Sturka 33:5

Baha ningkara, Isau ai lal buki mairin bara tuktan nani ba ra kaikan; ningkara witin ra makabi walan: —Bara naha nani na, ¿ya nani sa? Jekob witin ra win: —Naha nani sika, Gâd wina nampakan ra luhpia nani yaban ba.

Blasi Sturka 47:9

Jekob pana witin ra win: —Nanara pat 130 mani brisna, bara tasba kumi wina ban tasba wala kat impaki watauki ban sna. Ban mani ailal pali lika briras sna, sakuna piua saura nani baman brisna. Damiki nani ai rayaka yua nani ra iwan ba yua nani praiska kat sin kau alkras sna.

2 King Nani 10:1

Ahab ba Sameria ra luhpa waitna nani 70 bri kan. Bara baku Jehú mita wauhtaya nani ulbi Sameria tawan wihtka nani ra, tawan almukka nani ra, Ahab luhpia main kakaira nani ra blikan, bara naku ulban kan:

2 King Nani 9:35

Sakuna witin ba bikaia wan ba ra, ai lal kamhka, ai mina nani bara mihta bîla nani baman kaikan, ai wîna lika apia.

1 Kronikas 28:5

Bara nanara luhpi nani sut tilara, âu, Dawan bui luhpa waitna nani ailal aikan sa, bamna Dawan bui luhpi Salaman ba bâk sakan sa, Dawan king aimaki iwaika ra iwbia Israel luhpia nani purara.

2 Kronikas 11:21

Roboam ai maya nani 18 bri kan bara ai lila mairin nani lika 60, sakuna baha sut tila wina, witin Maacá kau latwan kaiki kan. Ai luhpia waitna 25 bri kan bara ai luhpia mairin nani lika 60.

Ester 5:11

bara Amán ba ai dukia kukanka tara bri ba, bara ai luhpia ailalka nani ba dukiara, bara baku sin diara nani ailal ba purara king mita tara pali kulkan ba, bara wihta nani purkara sin mangkan ba, naha dukia nani aiska ba dukiara aisi kan.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Job 3:11

¿Dîa muni yaptiki biara ra pruras kapri? Apia kaka, ¿dîa muni nan ai baikan ba ra pruras kapri?

Job 3:16

¿Dîa muni tukta nani piua kau kan, baiki biki ba baku ai bikras kan, tukta nani kau aisubi takras ai yapti biara ra pruan ba baku?

Lawana Nani 58:8

Kip ai watla bilara ai bîla laya saki, aisawi tiwi ba baku aisawbia, tuktan nani ai piua kau kan, prui taki ba wan yu ingnika kaikras ba baku kabia.

Sins Lâka 17:6

Upla almuk nani kraunka ba sika, mulika nani ba; bara aisika nani ba sika, tuktan nani prana ba.

Smasmalkra 4:3

Ban sin naha nani wâlsut ba, yamni pali iwi kabia, kau aisubi takras nani ba, baha nani kau kaikras sa naha tasba ra saurka nani dauki ba.

Smasmalkra 6:4

Kan ban kra baha tuktika ba sainka tiwbia, tihmu tara tilara, bahara ai nina ba âuya tiwan kabia,

Jirimaya 22:19

Biriku biki baku: witin nani bal Jerusalem wina raski saki bri si lulki swibia.”

Jirimaya 36:30

Baha aitani, daukram nanara, yang, Dawan, Joaquim, man Juda kingka ra, mai wisni man kiamkam wina Debit iwaika ra iwbia apia. Man sin pruma bara kakna ra lata lapta ra prawi kama, tihmia ra lata kauhla ra prawi kama,

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.