Smasmalkra 5:6 - DAWAN BÎLA AISKA

⁶ Yabrika bîlam mita saura daukaia ra mai brih wabiara, bara ningkara kra wima, Gâd blikan uplika ra tânka briras mita daukras. ¿Dîa muni yaka Gâd ai kupia sauhkbia, bara paskram ba sauhki tikaia?

Smasmalkra 5:6 Iomraidhean Croise

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Sins Lâka 23:17

Upla saurakira nani ra kupiam tumbiara, sakuna yu aiska Dawan sibrinka wal kama.

Smasmalkra 10:12

Sinskira bîla aisanka nani ba, upla pain walisa, sakuna sinskas aisanka ba ai wîna ra sauhkisa:

Smasmalkra 3:14

Baku sin kaikisni, Gâd diara sut daukan ba ban kaia ra ba kabia. Baha sin kau pura prakras, bara dakbi sin sakras; Gâd ba baku daukan sa, bahara kaiki upla witin ra kulkbia dukiara.

Libait Lâka 4:2

“Israel luhpia nani ra wis, upla kum ai lukanka wina saura daukaia lukras kan ban saura kum daukan ba, Dawan lâka nani krikaia apia win kuna lâka nani ba ban krikan ba, baha sât uplika lâka ba naku daukan kabia:

Libait Lâka 4:22

“Wihta tara kum ai tânka briras saura daukan, Dawan lâka nani ba krikan, baha saurka ba mana witin ra kulkan sa kuna ai dara walras sa kaka,

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Kulki Kaikanka 15:25

Baha ningkara, prîs mita Israel luhpia nani sut saurka swih tikaia pura sunra warkka ba daukbia. Bara yang mita saurka ba ban swih tikamna, kan baha saurka daukan ba upla nani kupia lâka apia kan. Bahamna witin nani ai kupia lukanka wina, prisant bara sakripais nani brih balan.

1 Korint 11:10

Naha pali dukiara sika, mairin ba insal nani tâwan, ai lal purara ai maya karnika sainka kum bri kaia sa.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

2 Jan 1:8

Man nani aman pali kaiki bas, baku lika warkkam mana tikma apia, sakuna mamna aiska pali ba brima.