Smasmalkra 5:17 - DAWAN BÎLA AISKA

¹⁷ Baha sut purkara ai rayaka ba lui wan sa, tihmu tara ra, kupia kriwan ra, latwan, umpira lâka baman.

Smasmalkra 5:17 Iomraidhean Croise

Blasi Sturka 3:17

Bara waitna ra sin win: —Man mayam bîla baikra wali bîla walram bamna, man ra mai wisatna baha dusa ba wina mâ pipara, sakuna man ban dusa ba wina mâ piram; bamna man tamka, tasba na lahtuban kabia. Rayakam yua nani sut sarkam lâka ra tasba wina patam saki pi kama.

1 King Nani 17:12

Bara piarka mairin ba pana win: —Yang swer takisna Dawan Gâdkam ai kaikisa, yang brit angkan âpu, sumi bilara plawar wiria lupia baman brisna, bara batana laya sin wiria lupia sumi ra brisna, bara nanara pauta pîs wirâ wahbi kapri baha wih piakaia dukiara, yang duki bara luhpi dukiara sin. Baha ba pih ningkara, plun bla prui banhwamna.

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

2 King Nani 1:6

Witin nani bui pana win: —Kan yabal ra yang nani auna kan waitna kum takan bara wan win, yang nani kli tawi wamna king wan blikan ba ra, baku bamna wimna: ‘¿Israel ra Gâd âpu kan ki, man Ecrón gâdka Baal-zebub ra mangki kaikaia blikisma? Baha daukram bamna, krikrikam ba wina buma apia, sakuna pruaia kama.’

2 King Nani 5:27

Baha tâwan, Naamán liparka ba man ra mai alkbia, ba purkara sin man kiamkam nani sut ra ban kaia ra. Bara Guehazí ba Ilaidsa mawan wina taki wan ba ra, liparkira taki wan, pihni pali wahmuk pinhka baku.

Job 21:25

Ban sakuna, upla wala nani lika tahpla lâka ra iwisa, bara ban sin pruisa, lilia lâka ba dabi sin kaikras pali.

Lawana Nani 102:9

Plun piaia katna ba yamhpus pisna; diaiki ba naikra laya ni abalkan sa,

Lawana Nani 127:2

Wark karna pali taki kaia, sari lâka ra plun piaia dukiara, titan pali buaia bara tihmia let kat yapaia ba. Gâd yaura latwan kaiki ba, kan manas pata yabisa witin nani kau yapi ba ra.

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Lawana Nani 78:33

Baha mita Gâd bui rayaka nani ba âpu daukata ai wingka puhbra kum baku ra, bara sibrin tara dingkan kata.

Smasmalkra 2:10

Brinka kumi ra apia wiras kapri; lilia lâka kumi ra sin apia wiras kapri, kupi aiska briri warkki nani sut ra; baha liliaka ba yang maina kan.

Smasmalkra 2:23

Ai yua nani sut ba pât wahwaia baman sa, wirhika kum wan kupia ra turbanka munisa; tihmia kat sin ai kupia lukanka ba ris briras sa. ¡Bara naha na sin bahki man sa!

Smasmalkra 2:24

Upla ba diara kau yamni daukaia ba sika piaia bara diaia, bara ai rayaka ba lilia daukbia ai warkka mâ nani ba wal, baku sin kaikri, naha ba Gâd mihta wina sa.

Smasmalkra 7:14

Ahkia man ra diara yamni taki ba, baha yamnika wal liliam bas, sakuna saura takbia sa kaka, luki kaiks kumi bani ba dukiara, kan baha nani ba Gâd wina sa, kan upla sip ai dahra walbia apia, ai kainara dîa brih aula ba.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.