Smasmalkra 5:11 - DAWAN BÎLA AISKA

¹¹ Kan ya kau bri ba, kau tikisa. ¿Dîa yamni sâkbia, diara nani bri ba wina, dukia nani ba ra kaiki kaia ba wal?

Smasmalkra 5:11 Iomraidhean Croise

Blasi Sturka 12:16

Bara Sarai tâka king fero, Ebram ra yamni pali munan: sîp, bîp, biriku wainhka nani, alba waitna bara alba mairin nani, biriku mairin nani, kiamil nani sut witin ra yaban.

Blasi Sturka 13:2

Ebram yuyakira pali takan, daiwan ailal brin, silbar bara gul sin manis.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 2:9

Upla tara kum kapri bara diara ailal briri, Jerusalem ra king nani kanra bâra kan ba wal kau purkara diara nani briri. Baha purkara sins lâka ba ai lulki swiras kan.

Smasmalkra 5:12

Wark tatakra ba, ailal pibia wiria pibia kra ai âuyapah yapisa, kuna yuyakira ba, ai kukanka mita yan sip ai âuyapah yapras.

Smasmalkra 6:9

Kau kanra tara sa, diara wan nakra ni kaiki ba wihki wan lukanka ra bri ba wal; sakuna naha pali na sin bahki man sa, sim pâsa ra alkan dauki ba baku sa.

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Abakuk 2:13

Dawan ai karnika sut bri ba mita, wark karna takram nani ba sut bahki ra lakan kabia, warkkam nani daukram ba, pauta ami ba mita angki sauhki tikan kabia.

1 Jan 2:16

kan tasba na mita wanki dukia ba kumi sin Aisa wina apia sa, tasba witin ai dukia sa. Wan wîna tara brinka saura nani ba, wan nakra diara kaiki bani brin dauki ba, naha tasba dukia nani ba wal aimayunaia lâka ba sut, naha tasba wina baman sa.