Smasmalkra 5:1 - DAWAN BÎLA AISKA

¹ Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Smasmalkra 5:1 Iomraidhean Croise

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

Job 22:12

Gâd lika kasbrika kau purara pali ba ra sa, slilma nani kau purara pali ba lika ai mina munhtara sa.

Lawana Nani 89:7

Dawan tara bara sibrinkira kasbrika purara ba insalka nani, kutbi kir mai bri ba.

Impakan Sturka 3:5

Bara Dawan bui Moses ra aisin: —Kau laimara balpara. Sûskam ba minam wina sâks, tasbaya minam taibi sma ba sunu sa bamna.

Impakan Sturka 30:18

“Bras ni bisin kumi paskma, bara sunaika sin bras ni paskma, bahara diara sikbaia dukiara; Dawan wal prawaia watla altarka ba wal lilapas ra bri si, lî laiki banhki swis.

Sins Lâka 10:19

Ya sturi ailal aisi ba, swakwanka ailal brisa; upla ai twisa alki takaski nani ba tânkira sa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 21:27

Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Apastil Nani Sturka 10:33

Baha mita mahka blikri man mai plikaia, bamna man aitani pali balram. Nanara yang nani sut nahara banhwisni Gâd mawanra, man ra Dawan mita dîa maikka aisama ba walaia.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

1 Korint 11:22

¿Man nani wamtla nani âpu ki, bahara plun piaia bara diara diaia? Naku dauki banhwisma ba ra, Gâd sertska ba bahki kulkisma, bara diara âpu uplika nani ra swira daukisma. ¿Naha dukiara dîa mai wimna bîla kaiki banhwisma? ¿Man nani ra mamyunaia sna ki? ¡Naha dukiara lika yang sip mamyunras sni!

Hibru Nani 10:26

Kan yawan kasak lâka tânka ba kakaira si, wan kupia wina kaiki saura daukisa kaka, wan saurka nani dukiara kli sakripais wala âpu sa.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jasua 5:15

Bara Dawan daknika aiklaklabra nani pura wihtka ba bila witin ra win: —Sûskam ba daiks, baha tasbaya ra buisma ba holi sa bamna. Bara Jasua dîa win ba kat daukan.