Smasmalkra 4:4 - DAWAN BÎLA AISKA

⁴ Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Smasmalkra 4:4 Iomraidhean Croise

Blasi Sturka 26:14

Sîp nani, bîp nani bara ai albika nani sin ailal bri kan ba mita, filisteo uplika nani mita witin ra tuman lâka brin.

Blasi Sturka 31:1

Sakuna Jekob wali kan, Labán luhpia nani dîa aisi tauki kan ba: “Jekob lika wan aisika daiwra nani sut brin, baha nani brih yuyakira takan.”

Sins Lâka 27:4

Wan kupia laptika ba krakraka sa, lawan tara ba sin diara sauhki tikisa; sakuna diara tumaia lâka ba sip alki takaskras.

Smasmalkra 1:14

Bara sip kapri kaikaia naha tasba ra diara nani dauki ba bahki sa, pâsa ra wan mihta ni alkaia baku.

Smasmalkra 2:21

Upla nani bâra sa ai warkka ra mangkisa sinska lâka nani, diara tânka nu ba, bara diara lan takan sinska lâka ba, ningkara upla wala kum warkka daukras uplika ra laki yabaia dukiara bribia wisi. ¡Naha sin bahki man sa, bara lâ kasak pali apia sa!

Smasmalkra 2:26

Baku bamna Gâd sins lâka yabisa, diara tânka briaia lâka; bara ai liliaka sin, yaura witin yamni luki uplika ra; sakuna saura dadaukra ra yabisa wahbi kukaia, ningkara ani uplika Dawan yamni kaiki ra yabisa; baku sin baha ba bahki baman sa, pâsa ra alkaia baku pitka.

Smasmalkra 4:16

Baha upla ailalka sip kulki sakras ba, witin baha nani purara king aimakbia; sakuna baha nani, bara kiamka nani ba sin ai âuyapah kabia apia, witin wal. Baha sut ba bahki baman sa, bara pâsa ra alkaia brin dauki baku sa.

Smasmalkra 6:11

Diara kum kasak sa: anira sturi ailal aisinka bâra ba pliska ra, bahki lâka manis bâra sa, bara diara kumi sin sip sakras baha wal.

Smasmalkra 6:9

Kau kanra tara sa, diara wan nakra ni kaiki ba wihki wan lukanka ra bri ba wal; sakuna naha pali na sin bahki man sa, sim pâsa ra alkan dauki ba baku sa.

Matiu 27:18

Kan Pailat kaikan Jisas ra tuman brih banhwi kan ba mita sika ai mihta ra mangkan ba.

Apastil Nani Sturka 7:9

“Bara Jekob luhpia nani wan damika nani kan ba mita ai muihni Josep ra tuman, ban sin witin ba atkan Idsip kat brih waia, kuna Gâd lika Josep wal ban kan.

Jems 4:5

Diara bâra ba mita Ulbanka ra wisa: “Gâd mita baha Spiritka wan tilara yan iwi ba ra, tâwan lawi latwan pali kaikisa.”

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.