Smasmalkra 4:1 - DAWAN BÎLA AISKA

¹ Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Smasmalkra 4:1 Iomraidhean Croise

Job 16:4

Man nani ba yang waitlika ra katma kaka, yang sin man nani aisisma baku aisamna; laila na nikbi, lawaska kikan lâka bîla nani ni, lî aubra baku mai aisaia kapri.

Job 35:9

Taiban lâka wirhika ba wal upla nani ba winisa, bara plikisa baha karnika ba wina swaki sâkbia.

Job 6:29

Man nani aisinkam ba bahki ra laks, watawikira baku kapara; laki kaiki banhs yang raitki bri aisisna ba.

Job 9:24

Tasba na saurakira nani mihta ra swisa, lâ dadaukra nani ra nakra wilkisa. Bara baha ba Gâd wina apia kaka, ¿ya wina kabia ni?

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Lawana Nani 142:5

Man ra winisni, Dawan, bara mai wisni: “Man sika yang yukuwaiki; ¡man baman yang naha tasba ra mai brisna ba!”

Lawana Nani 42:3

Kakna ra, tihmia ra, yang naikra laya ba pati pisna, upla nani sin pat pat maikabi walisa: “¿Man Dawankam ba anira sa?”

Lawana Nani 42:9

Dawan, yang tâiwan aisasara ba ra wisna: “¿Dîa muni âmya ai tiki ai swiram ki? ¿Dîa muni yang na waihli nani mihta ai taiban, bara sari bri watauki kaia sna?”

Lawana Nani 69:20

Saura ai win ba mita, kupi ba sut sauhkan sa; lukanki ba swapni sakan bara karniki sin âpu takan. Bamna yang bahki man plikri upla kum, latwan ai kaiki maisi nihkbia dukiara.

Lawana Nani 69:21

Pati ra puisin mangkan, bara diran ai daukan binigar ni aikan diaia.

Lawana Nani 80:5

Plun wankaia watlika ra, nakra laya nani ni wankisma, diara laya diaia watlika ra, nakra laya ailal wankisma.

Impakan Sturka 1:16

—Ani piua ra Hibru mairka nani tuktan sakisa taim, man nani warkka daukisma piua ra, tuktan ba aisubia ba ra kaiks waitna sapa. Waitna kaka, iks, sakuna mairin sa kaka, swis raya kabia.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Sins Lâka 19:7

Upla umpira ba, muihnika nani sut mita sin witin ra misbara kaikisa; kau asla ai uplika nani sin, witin wina laihura itwi takisa.

Sins Lâka 28:3

Watawikira ba mita umpira nani ra taibi muni ba, lî karna auhi plun mangkan nani sut tiki ba baku sa.

Sins Lâka 29:2

Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Smasmalkra 3:16

Yang kaikaia sip kapri, naha tasba ra sauhki tikaia lâka bara saura daukaia nani ba uba sa, bara lâ kasak wapni nani ba bâra kaia sa.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Smasmalkra 7:7

Taiban lâka ba sinskira ra sauhkisa, bara sauhkanka lâka ba, ai daukanka natka ra sauhkisa.

Smasmalkra 8:9

Naha dukia nani na sut kaikri ba ra, kupi aiska ni tânka pliki kaikri, naha tasba ra dîa dauki ba, bara upla ba nahki karnika bri ba, ai walka ra saura munaia dukiara.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 51:23

Baha nani sarkam papaskra nani ba mihta ra kapka ba mangkamni, witin nani bui man nani ra mai win: ‘Tasba ra prawi kama bara yang nani lika man puramku wapi luamna’; bara man wînam tara ba baku, tasba ra prawram bara witin nani mai taiban.”

Aiseya 59:7

ai mina nani ba saura ra plapisa, aihni taukisa tala pâtkas ba laikaia dukiara. Ai lukanka ba upla ikaia baman lukisa, bara yabal ra lui auya ba, sauhki tikaia, bara kriki tikaia lâka nani man sa.

Jirimaya 16:7

Taika nani ba maisa nihkaia wisi upla kumi sin plun piaia bri balbia apia, bikaia yula kahbi sin wabia apia, aisika bara yaptika pruan kabia maisa nihkbia apia.

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 1:17

Saion ba ai mihta nani sakbisa, kuna upla kumi sin âpu sa witin ra ai maisa nihkaia. Dawan mita Jekob mapara taibi muni win kan ai lama kir nani ba, witin ai waihla nani baman kabia; Jerusalem ba witin nani mapara diara saura kulkan lâka kan.

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Malaquía 2:13

Man nani kau diara wala sin daukisma: man nani ini yahwi Dawan altarka ba namkra laya ni banhkisma, prisantkam Dawan ra yabisma witin liliakira briras bamna.

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Wihta Nani 4:3

Jabín lika war waginka ayan ni daukan ba 900 bri kan, bara witin bui Israel luhpia nani ra 20 mani saura pali rausauhki kan, sakuna Israel luhpia nani baha piua kat kli Dawan ra ai pura sunan, bara Dawan bui witin nani ra hilp munan.