Smasmalkra 3:3 - DAWAN BÎLA AISKA

³ Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Smasmalkra 3:3 Iomraidhean Croise

Blasi Sturka 9:6

“Ani uplika ai walka tâlia laiki ba, kli upla wala mita sin witin ai tâlia laikan kabia; kan upla ba Gâd lilka ra paskan bamna.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 31:28

Bara baku pali ridi kapri daikaia, batakaia, mâyara lahbaia, sauhkaia bara trabil munaia, baku natka ra aihwaki kaikisna paskaia bara mangkaia. Yang, Dawan, kasak aisisna.

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Isikiel 13:14

Bara baha kutbanka man nani mita pihni daukram ba batakamna; tasba kat yakabamna, bara playka tara nani ba param sakan kabia. Âu, tnaya kutbanka ba mâyara bal iwbia, bara baha kriwanka nani tilara man nani pruma. Bamna yang Dawan sna ba man nani bâra kaikma.

Hageo 1:2

Karnika sut bri ba Dawanka, prapit Hageo ra naku aisin: “Naha uplika nani na aisisa: Nanara yang, Dawan tempelka ba kli mâkaia piua apia sa.”

Hageo 1:4

“¿Bara dîa man nani baman lika utla pranakira ra dimaia piua brisma, bara yang tempelki ba lika kli paskaia piua kau aimakras ba tâka, sauhki tikan ra ban kaia?

Sakaraya 1:12

Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.

1 Samuil 2:6

Dawan bui upla rayaka saki bara yabisa; witin raiti bîla kat wan blikisa, bara baha wina kli wan buki sunisa.