Smasmalkra 3:17 - DAWAN BÎLA AISKA

¹⁷ Baku bamna, Gâd kasakkira nani lâka daukbia, saura dadaukra nani lâka sin, kan diara sut taki ba ai piua brisa, bara baha dauki ba dukiara sin.

Smasmalkra 3:17 Iomraidhean Croise

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Smasmalkra 1:16

Bara yang naku kupi ra lukri: “Man nani nâra ai brisma, upla kum kau tara, kau sinskira, baha nani sut, yang kainira Jerusalem ra, king aimakan nani ba wal; kupi ba sins lâka bara diara tânka briaia lâka nani manis briri, bara diara tanis lâka warha nani sut tânka brisatni, sakuna baha sin pâsa ra alkaia baku takisa.”

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Smasmalkra 2:1

Baku sin kupi wal aisari: “Nanara trai munamni, yang lilia kaia; bara sin lilia briaia rayaki ra”, baha sut ba bahki baman takan.

Smasmalkra 3:1

Naha tasba ra diara sut ai piua brisa, diara sut ba ai piua kat takisa:

Smasmalkra 8:6

Kasak pali, piu kum bâra sa, bara natka kum sin bâra sa nahki daukaia ba, sakuna upla pâtka tara ba sika,

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Daniel 12:9

Bara witin bui ai win: ‘Ban yabalkam ba nina bliki bas, Daniel, bamna naha diara nani na yukuwan ra ban bri kabia piua tnata alkbia ba kat.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Jan 5:22

Aisa mita upla kumi sin lâka aisi daukras sa, sakuna lâ aisi daukaia karnika aiska ba, ai Luhpia ra yan sa.

Apastil Nani Sturka 1:7

Bara Jisas pana baha nani ra win: —Man nani ra maikras sa ahkia, apia kaka dîa piua kabia Aisa mita diara nani daukaia luki ba tânka pliki kaikaia, kan witin baman sika baha diara nani daukaia karnika brisa.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

1 Tesalonaika 5:1

Sakuna baha ahkia takan ba, baha piua nani ba yang ulbi mai wiaia ba nit apia.

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 20:2

Naha insalka na dragunka ba alkan, baha piutka almuk ba, witinka dibil bara Sitan ba, bara witin ba priskan mani 1,000 prais kat.