Smasmalkra 2:4 - DAWAN BÎLA AISKA

⁴ Wark tara nani daukri, king watla nani sin paskri, wainki nasla nani sin briri.

Smasmalkra 2:4 Iomraidhean Croise

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

2 Samuil 18:18

Absalón kau raya kan piua ra, witin ai lilka kum walpa ni yan daukan king tasbaya langnika ra, baha ra ai nina ulban, witin ba luhpias kan ba mita baha yan daukan. Bara nanara kat ban baku mâkisa ‘‘Absalón lilka’’.

1 King Nani 15:19

“Yawan wal lâ kum daukpi, papikam papiki wal daukan kan ba baku. Kaiks, yang gul bara silbar mai blikisni prisantki; Israel kingka Baasá wal lâ daukram ba mahka swis, baku lika witin kupia kumi ai swibia.”

1 King Nani 9:1

Bamna Salaman Dawan watla ba dauki tnata alkan ba ra, king iwaia watla ba sin, bara Salaman dîa wala nani sin daukaia lukan ba sut dauki tnata alkan ba ningkara,

1 Kronikas 27:27

Wain nasla nani tâura kan ba Simí, Ramat wina ba, bara wain mâ nani wahbi auhbaia watla ra suni kaia lalka lika Zabdí, Sefam wina kata.

2 Kronikas 26:10

Baha purkara upla iwras tasbaya ra tawer nani paskan, liwanhta nani sin salhkan tasba langni nani ra, waitna nani bri kan unta ra wain nasla warkka dauki kan baha ba il pliska nani ra, kan witin insla warkka dadaukra kan bamna.

2 Kronikas 8:11

Bara Salaman king fero luhpia mairin ba lakan Debit Tawanka ba wina witin tawan raya mâkata ba ra, king luhpia mairin watla wisi witin win kan: “Yang mayi ba Debit Israel kingka ba watla ra iwi kabia apia, kan baha watla nani ra sika Dawan Gâd lâka auhbaia watla ba swiaia kan, bamna watla holikira kulkan sa.”

Lawana Nani 49:11

Ai nina ba ni ai tasbaya nani nina ba mâkan sakuna, raiti ba ai watla bâra ban kabia; bahara ban kaia ra bâra kabia.

Yamni Kulki Lawana 1:14

Waitniki laitwankira ba, yang maipa ra tangni pihni kîa pain baku sa, En-gadi wainka nasla nani ra.

Yamni Kulki Lawana 7:12

Titan pali bubia ba ra, wain nasla nani ra wabia, wain kiwka nani ba pat ai wahia raya sakan sapa kaikbia, pat ai tangni nani baiwan sapa, dus mâ nani pat takan sapa sin kaikaia. Bahara yang laitwanka lâka ba maikamni.

Aiseya 5:1

Nanara yang laitwankira ba dukiara aiwanamna, wainka nasla ba lawana aiwanamna. Laitwankira ba wain nasla kum bri kan il plahpia tasbaya disang kum ra.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”