Smasmalkra 2:3 - DAWAN BÎLA AISKA

³ Kupi ba sins lâka tihuka ni aibanhwan, wain laya ba diaia munri bara wîni aiska bahara yâri; kaikri upla ba baha plikisa sapa ai piua kunhku bri ba tilara.

Smasmalkra 2:3 Iomraidhean Croise

Blasi Sturka 47:9

Jekob pana witin ra win: —Nanara pat 130 mani brisna, bara tasba kumi wina ban tasba wala kat impaki watauki ban sna. Ban mani ailal pali lika briras sna, sakuna piua saura nani baman brisna. Damiki nani ai rayaka yua nani ra iwan ba yua nani praiska kat sin kau alkras sna.

Job 14:14

Upla kumi ba prubia ba ra, ¿kli raya takaia sip sa ki? Piua bani ra yang lika bîla kaiki kamna, warkki ba ban bâra kabia, latwan wahwanki piua ba lubia, maisa nihkra balbia ba kat.

Lawana Nani 104:15

Plun ba upla ra karnika yabisa, wain ba upla rayaka ra lilia yabisa, bara ai mawan ba kau lipisa batana baku.

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Smasmalkra 10:19

Plun ba lilia piaia dukia sa bara wain ba sin, rayaka ra lilia yaia dukiara sa, sakuna baha dukiara lalah âpu sa.

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Smasmalkra 2:24

Upla ba diara kau yamni daukaia ba sika piaia bara diaia, bara ai rayaka ba lilia daukbia ai warkka mâ nani ba wal, baku sin kaikri, naha ba Gâd mihta wina sa.

Smasmalkra 5:18

Yang tânka briri, diara kau yamni ba sika piaia, diaia, bara liliaka briaia warkka ba mana, naha tasba ra, Dawan bui wan piua prahni wankan ba tilara, kan baha sika wan sirka sa.

Smasmalkra 6:12

Ya kaikisa, dîa kau yamni kabia upla ba dukiara, ai yua bahki nani kulki baman bri ba tilara, baha ba wan rayaka sa. Ai yua nani ba dista baku lui auya, ¿ya sip sa wiaia, naha tasba ra witin prubia ningkara diara takaia ba?

Smasmalkra 7:18

Kau yamni sa naha na dutki pali alkaia wan mihta alkan ba wina baha ba lanhkaia apia. Gâd ra kulki ba naha diara nani sut na wina pain takbia.

Smasmalkra 7:25

Bara yang sins lâka plikri, diara tânka briaia sin, bara stadi munaia bara plikaia sins tânka kum wal prakaia. Bara daihra walri sinskas kaia ba yamni apia sa, sinskas kaia ba saura pali sa.

Smasmalkra 8:15

Baha mita yang lilia ba dukiara tâ baikisni. Bara upla kau yamni daukaia ba naha tasba ra ba lika piaia, diaia bara lilia briaia, kan baha baman sa, ai warkka wina bal taki ba, ai rayaka aiska, Gâd mita yaban ba piua ra.

Matiu 6:24

“Upla kumi sin dawan wâl dukia sip daukras, kan kumi ra misbara kaikbia, bara wala ra latwan kaikbia; kumi ra kasak kulkbia, wala ra bahki kulkbia. Man nani sip apia sma Gâd bara lalah wal dukia daukaia.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Wihta Nani 9:13

Sakuna wain kiwka bila sin witin nani ra apia win: ‘Yang dus nani kingka aimakaia sna kaka, wain laya sakisna ba ban saki kamna apia; wain laya ba ni sika yang bui upla nani ba lilia daukisna, bara Dawan ra sin.’

1 Samuil 25:36

Abigail ba Nabal ra tawi wan ba ra, kaikan witin king kum baku ai watla ra pata tara dauki pi, lilia dauki kan, ai âuyapah, bla pali kan. Baha mita sip diara wiras kan, yu wala kat.