Smasmalkra 2:14 - DAWAN BÎLA AISKA

¹⁴ Sinskira ba ai nakra nani pain diara kaikisa, sakuna taniskira nani ba tihmia ra wataukisa. Ban sakuna tâinka briri, sut ra sim baku bîla kaikisa.

Smasmalkra 2:14 Iomraidhean Croise

Lawana Nani 19:10

¡Dawan lâka nani ba, gul wal kan mapara tara sa!, ¡gul pali ba wal sin kau mana tara sa! ¡Baha lâka nani ba lika, nasma laya wal kau damni sa!

Lawana Nani 49:10

Kan yawan kaikisa upla sut ba pruaia sa, sinskira nani bara sinskas nani ba sin pruisa; bara ai yuyaka ba upla wala nani brisa.

Lawana Nani 49:11

Ai nina ba ni ai tasbaya nani nina ba mâkan sakuna, raiti ba ai watla bâra ban kabia; bahara ban kaia ra bâra kabia.

Sins Lâka 14:8

Sinska lâka ba, sinskira ra yaban ai daukanka tânka brisa, sakuna sinskas ba ai sinskas ba mita kunin munisa.

Sins Lâka 17:24

Diara tânka alki uplika markka ba, sins lâka bâra sa; sakuna upla taniskira nakra nani ra, mark kum alkaia âpu.

Smasmalkra 2:16

Kan upla kumi sin sinskira bara taniskira dukiara ai kupia kraukbia apia, piua nani lui auya ba wâlsut ai âuya tikisa, kan sinskira nani bara taniskira nani ba, wâlsut sim baku pruisa.”

Smasmalkra 3:19

Kan kasakka ba upla bara daiwan wal dîa takaia kan ba kumi sa, bara wala ba sin wâlsut pruisa; kan raya ba wingka puhbra sut sin brisa upla kau tara apia daiwan ba wâlsut ba bahki, bahki pali man sa.

Smasmalkra 6:6

Kan witin nani 2,000 mani kau iwan kaia sip sa, sakuna ai dukia kukan wal âuyapah bribia apia, ¡bara tnata ra sut pali ba sim pliska ra auya!

Smasmalkra 6:8

¿Dîa aihka brisa sinskira ba, tanis lâka âpu kaia ba, ai sinska lâka baman rayaka na mawanra bapi buaia?

Smasmalkra 7:2

Kau yamni sa, pruan kum bikaia waia ba wihki lilia pliska ra wih lilia briaia ba wal, kan prura ba sika upla sut yua tnata lâska ba bara raya nani ba, aitani sa sin ai kupia kraukaia.

Smasmalkra 8:1

¿Ya sip sa ki sinskira wal praki kaikaia? ¿Ya kaikisa ki diara nani sinska tânka ba? Sins lâka ba upla mawanra ingni yabisa, mawan karna ba mapla wala yaban takisa.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Smasmalkra 9:16

Ban sakuna, yang wisni kau yamni sa sinskira kaia wihki kupia karnira kaia ba wal, baha tilara upla umpira sinska lâka bri ba alki briras kabia sin, aisi ba walras kabia sin.

1 Jan 2:11

Sakuna ya ai muihni ra misbara kaikisa kaka, witin lika tihmia ra iwisa bara sin taukisa; ba mita witin anira auya sapa kaikras sa, tihmia ba mita nakra sut blain dauki bri ba mita.