Smasmalkra 12:5 - DAWAN BÎLA AISKA

⁵ Purara ba mita sibrin daukbia, bara yabal ra ba pât nani bâra kabia. Amans dusa ba mahka tangnika baiwbia, tristrisia ba pât bribia, karnikam ba tiwbia, sip diara daukras kama. Bara upla ba lika ai watla ban kaia ra auya, bara yabal ra ini yahwi kabia pruan ba dukiara.

Smasmalkra 12:5 Iomraidhean Croise

Blasi Sturka 42:38

Sakuna Jekob witin nani ra win: —Yang luhpi man nani wal wabia apia. Ai muihni Josep pat pruan, kau witin baman yang wal sa. Yabal ra diara saura kum witin ai mapara daukbia kaka, man nani ba pâtkira kama yang dama takri na, sari lâka tara bri ban pruamna ba ra.

Blasi Sturka 44:29

Bara nanara man nani kli luhpi wala na sin yang laima wina saki brih wama, bara witin ra sin kli diara saura kum takbia kaka, naha dama na sari bri ban prubia; sakuna baha pâtka ba man nani pâtkira kama, yang dama takri na sari lâka tara bri ban pruamna sa kaka.’

Blasi Sturka 44:31

yang aisiki kaikbia tukta ba âpu kabia bara witin ba kat prubia. Bara aisiki almuk ba sari mita baku prubia ba ra, baha pâtka ba yang nani purira kulkan kabia.

Job 15:10

Yang nani lika upla almuk nani, man aisikam ba wal kau diara tânka bri banhwisna.

Job 17:13

Diara kumi baman bîla kaikaia sip sna ba lika prura, bara tihmia tara ba tilara pruaia bara mahka yapamna.

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Lawana Nani 71:18

Dawanki, ai lulki ai swipara, ban almuk kra, tâiwa pihni kabia kra, kuna ban aisi kamna, man karnikam tara ba dukiara naha kiamka nani ra, bara aula nani ba ra sin.

Sins Lâka 16:31

Wan tâwa pihwan ba lika prana tara kraunka kum sa, baha sika kasakka lâka yabalka ra kasak wapi tauki ba tânka.

Sins Lâka 20:29

Wahma nani prautka ba, ai karnika ba sika; bara almuk nani kulkanka ba lika, ai lal pihwanka ba.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Aiseya 46:4

almuk pali kamna ba ra, yang dîa pas katna baku kamna, tâiwa pihwan kabia kat sin yang ban tâm baiki kamni; yang bui man nani mai daukri bara kau ban watauki kamna man nani aikuki; yang tâm baiki kamna bara swaki mai sakamna.

Jirimaya 1:11

Dawan ba yang ra aisi, naku ai win: “Jirimaya, ¿man dîa kaikisma?” “Amans tnawa kum kaikisna” —wîri.

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Libait Lâka 19:32

“Upla almuk mawanra, wapni bûi lakula wis. Dawan ra kulki ba tânka ba mariks. Yang sika Dawan.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.