Smasmalkra 12:11 - DAWAN BÎLA AISKA

¹¹ Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Smasmalkra 12:11 Iomraidhean Croise

Blasi Sturka 49:24

Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Esdras 9:8

Ban sakuna, nanara, Dawan wan Gâdka, kupiam swapnika lâka ra wan brisma, sip kan yang nani tili wina upla dakni kum pri takaia bara yawan nani ra sans wankan, tasba holikira ra wan watla nani mâkaia alba lâka ba wina piua wiria, yang nani ris briaia aikram.

Lawana Nani 23:1

Dawan sika sepadki; yang diara sut brisna.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Sins Lâka 1:6

sinskira nani aisinka nani ba tânka briaia, bîla nani aisan ba, witin nani daukanka ba, diara tânka nani pliki sakan patrangka ba briaia.

Sins Lâka 10:21

Upla kasakkira nani aisanka mita upla ailal yamni smalkisa, taniskira nani ba sins yamni luha ba tâka mita pruisa.

Sins Lâka 22:17

Sinskira bîla nani aisinka ba, man kiamam pri tniki wals, dîa mai wi ba kat aman wals.

Smasmalkra 10:12

Sinskira bîla aisanka nani ba, upla pain walisa, sakuna sinskas aisanka ba ai wîna ra sauhkisa:

Smasmalkra 7:5

Kau yamni sa sinskira mita lawi dauki ba walaia wihki, sinskas nani mayunra ba wal.

Aiseya 22:23

Witin ba king iwaika kum kulkanka bri ba baku kabia ai aisa watla bilara. Yang daukamni witin bahara bapi bûi kaia kitwaia apia, silak kum saban ba baku.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Jan 10:14

“Yang sika Sepad yamni ba. Aisiki mita ai kakaira ba baku, yang mita sin Aisiki ba kakaira pali sni, bara baha sim natka ra, yang na sîpki nani mita sin ai kakaira ba baku. Bara sîpki nani ba tâwan yang rayaki ba yaia wilin sni.

Jan 3:10

Jisas pana win: —Man ba sika, Israel smasmalkra tara kum sma, ¿bara naha diara nani na tânka sip briras sma ki?

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

2 Korint 10:4

Kan yawan ra aiklabaia dukia ba lika naha tasba wina apia sa, sakuna Gâd wina karnika brisa, bara ba mita kan kahbaika pliska nani ba sip sa âpu daukaia, baku dahra kwakwahkra nani ra sin.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.