Smasmalkra 12:1 - DAWAN BÎLA AISKA

¹ Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Smasmalkra 12:1 Iomraidhean Croise

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

Blasi Sturka 39:23

Bara Josep dîa lâ daukan ba kiaptin ba mita kli laki kaikras kata, kan Dawan Josep wal kan bamna, witin diara nani sut dauki ba yamni baman taki kan.

2 Samuil 19:35

yang pat mani 80 brisna; plun pisna bara disna ba aunhka sin briras, yang sip mai wiras, sâl mangkan sapa, mangkras sapa; aiwawanra nani aiwani ba waitna sapa, mairin sapa bîla baikra yang sip walras. ¿Dîa muni yang kli kau wirhiki kum king purara kahbamna?

2 Samuil 19:36

Kainara yang bui man ra mamkabamna, aikrika man wal wamna Jordan luaia baman dukiara, ¿bara king ba dîa mana yang ra naha prisantka aikaia ai wisa?

1 King Nani 14:13

Bara Israel aiska ba ini yauhbia bara biki sin banhbia; kan Jeroboam kiamka tila wina, baha baman bikan kabia, kan witin baman diara yamni kum daukan sa Israel Dawan Gâdka mawanra, Jeroboam watla bilara.

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Job 30:2

¿Dîa mapara ai klahkla karnika ba wal tâi baikaia sip kan? Witin nani lika ai karnika ba sut mâyara iwan uplika atia sa.

Lawana Nani 119:55

Dawan, yang tihmia ra man ra kupi kraukisni; yang lika man smalkankam ba praptis munan ai daukisa.

Lawana Nani 34:11

Bal, luhpi nani, man nani, yang ra wals; yang Dawan ra kulkaia lâka ba, man nani ra mai smalkamni.

Lawana Nani 63:6

Tihmia ra, yang mahka prawisna, bara yang lika man ra kupi krauki mai lukisna;

Lawana Nani 90:10

Yawan raya ba 70 mani; upla kau dutki nani ba lika 80 mani kat kau raya sa; sakuna kau wihka tasba ra raya kaia luki uplika ba, trabil nani bara wark nani baman bri bal sa. Mani nani ba pat lui auya ba baku, yawan sin manka ba lui auya.

Sins Lâka 22:6

Tuktan ba ai rayaka yabalka lâka ba, pain smalki paki bas naiwa piua ra, baku mika witin almuk takbia ba ra, baha wina tnaya ra tawbia apia.

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Smasmalkra 11:10

Kupiam ra trabil taki lukisma ba sut swis, bara pât wahwisma ba lulki swis, kan man wahma bara tiara sma yuam yamni ba, sut bahki man sa.

Smasmalkra 11:2

Dîa brisma ba sip sma ba kat yui bas, kan man kaikras dîa saura kuntrikam ra aula ba.

Smasmalkra 11:8

Sakuna upla nani ba mani ailal raya iwi kra baha liliaka sut bribia, ai kupia kraukbia tihmia yua nani ba ailal kabia, bara diara nani sut aula ba bahki baman sa.

Aiseya 26:8

Dawan, man lâ daukisma ba yabalka ra, yang nani bîlam kaikri: man ninam ra wan kupia kraukaia lâka ba briaia, baha baman sika yang nani sulki brinka pali ba.

Inanka Nani 3:27

Kanra yamni sa, upla kau almuk takras ba wina bawaia lâka briaia.

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Oseas 7:9

Upla sât wala nani ba mita ai karnika ba implikan witin ai dara walras pali kan. ¡Tâwa ba sut pihni daukan, witin ai dara walras pali kan!

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 18:16

Sakuna Jisas bui paiwi, naku win: —Tuktan sirpi nani ba swis yang ra balbia, baha nani ba takaskpara, kan Gâd king aimaki lâka ba bahmuna nani dukia sa.

Epesus 6:4

Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

1 Samuil 1:28

Yang bîli aisari ba kat, luhpi na Dawan ra yabisna ai rayaka aiska witin Dawan dukia kabia. Bara Elí ai mawan tasba kat bawan Dawan ra mayunaia dukiara.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”

1 Samuil 2:18

Sakuna wahma Samuil ba prîs prâka pîska linin ni daukan ba dimi, ai kaina kat Dawan dukia dauki kan.

1 Samuil 2:26

Wahma Samuil ba lika ban pâwi kan, bamna upla nani bara Dawan bui sin yamni kaikan.