Smasmalkra 11:9 - DAWAN BÎLA AISKA

⁹ Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 11:9 Iomraidhean Croise

Blasi Sturka 3:6

Bara mairin baha walan ba ra, dusa ba kaikan, dusa mâ ba piaia painkira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukiara. Bara mâ ba wina brin, bara pin. Baha ningkara ai maya ra sin yan, bara witin sin wal baku brih pin.

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

1 King Nani 18:27

Ban sakuna yu wan lal kat piua ra, Ilayas mita baha nani lawaska kiki win: —Bîlam baikra kau karna wins, witin ba gâd kum sa bamna. Ban kra witin wark brisa, apia kaka twi ra iwaia wan, apia kaka yabal ra impaki taukisa. ¡Ban kra yapisa, bara munka buaia sa!

1 King Nani 22:15

Bamna witin king ra balan, bara king makabi walan: —Micaías, ¿yang nani Ramot Galaad tasbaya mapara aiklabaia wamna, apia kaka ban swi banhwamna ki? Bara Micaías win: —Was bara pura luma, bara Dawan bui king lâka ba mihtam ra mangkan kabia.

Job 31:7

Yabal wapni ba wina tnaya ra tawri sa kaka, brinka karna ba mita ban ai alki ai brih wan kaka, upla wala dukia ba, yang duki baku brisna kaka.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Smasmalkra 12:1

Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Smasmalkra 2:10

Brinka kumi ra apia wiras kapri; lilia lâka kumi ra sin apia wiras kapri, kupi aiska briri warkki nani sut ra; baha liliaka ba yang maina kan.

Smasmalkra 3:12

Yang daira walisni, upla ba kau kanra yamni daukaia ba; lilia taki bara yamni kabia ba ai rayaka ra.

Smasmalkra 3:17

Baku bamna, Gâd kasakkira nani lâka daukbia, saura dadaukra nani lâka sin, kan diara sut taki ba ai piua brisa, bara baha dauki ba dukiara sin.

Smasmalkra 6:9

Kau kanra tara sa, diara wan nakra ni kaiki ba wihki wan lukanka ra bri ba wal; sakuna naha pali na sin bahki man sa, sim pâsa ra alkan dauki ba baku sa.

Smasmalkra 7:14

Ahkia man ra diara yamni taki ba, baha yamnika wal liliam bas, sakuna saura takbia sa kaka, luki kaiks kumi bani ba dukiara, kan baha nani ba Gâd wina sa, kan upla sip ai dahra walbia apia, ai kainara dîa brih aula ba.

Jirimaya 23:17

Yang bîli kulkaia apia aisi nani ba wisa: ‘Diara sut yamni man takbia.’ Lal karna ai kupia lukanka kat luki tniwi nani ba aisisa: ‘Man nani puramra diara saura kumi sin balbia apia.’ ”

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Inanka Nani 3:27

Kanra yamni sa, upla kau almuk takras ba wina bawaia lâka briaia.

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Kulki Kaikanka 22:32

sakuna Dawan insalka ba witin ra win: —¿Dîa muni man birikukam ra aima yumhpa prukram ba? Yang sika balri man yabalkam ba prakaia, kan man naku impakisma na yang brinki apia sa.

Matiu 5:28

Sakuna nanara yang mai wisna: Ya ya mairin kum kaiki, brin pali daukbia kaka, pat witin wal ai kupia ra marit lâka sauhkan sa.

Luk 12:19

Baku bamna, yang kupi ra wimna: Upliki, diara manis pali suni swiram sa mani ailal praiska; bamna ris pain bris, plun pis, diara dis bara liliam bas.’

Apastil Nani Sturka 14:16

Piua luan nani ra Gâd mita ban swin upla nani sut ba ai yabalka kat man tauki kaia,

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 14:10

¿Kuna man, dîa muni muihkam lâka aisi daukisma ki? ¿Dîa muni muihkam ba diara apia baku kulkisma? Yawan sut lika Kraist mawanra buaia sa, witin mita wan lâka aisi daukbia dukiara.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

Jasua 7:21

Jeriko ra diara nani yang nani dakbi briri ba tilara, kaikri Babilon ra daukan kwala tara maman painkira kum bâra kan silbar mâ 200, wala gul ni dus kum daukan paun kum pura bri kan. Baha dukia nani ba sika yang pain pali kaikri bara briri; dukia nani ba, tintki watla bilara tasba salhki, lalahka ba munhtara mangki bara diara wala nani ba baha purara biki swiri sa.

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.