Smasmalkra 11:5 - DAWAN BÎLA AISKA

⁵ Pâsa ba anira auya man sip kaikras sma baku, sim tuktan ai yapti biara ra aipaswi ba baku, man lika Gâd diara dauki ba kaikras sma, witin diara sut papaskra ba.

Smasmalkra 11:5 Iomraidhean Croise

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 38:4

¿Man anira kapram, naha tasba yang paski kapri piua ra? ¡Bamna ai wis, man sins tânka aitani brisma ba!

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.

Lawana Nani 92:5

Man Dawan, ¡nahki warkkam nani ba tara sa! ¡Nahki lukankam nani ba tihu sa!

Smasmalkra 1:13

Bara yang kupi aiska ni tânka plikri, sins lâka ba wal, naha tasba ra diara nani dauki ba. ¡Gâd bui twilkaia dukia wirha nani upla purara sunan ba, baha wal witinka nani ba yaka bawaia dukiara!

Smasmalkra 1:6

Pâsa ba waupasa ra krawisa bara ningkara yahbra ra tawi auya pâsa ba kli kli tawisa. Tawi bara kli tawi krawisa.

Smasmalkra 11:4

Pâsa ra kaiki ba sip mâ mangkras, bara kasbrika ra kaiki ba sin mâ sip krikras.

Smasmalkra 3:10

Daira walisni, Gâd bui karban upla ra yabisa, baha wal witin ra yus kaia dukiara.

Smasmalkra 3:11

Witin mita piua kat diara sut pranakira yamni daukan; upla kupia lukanka ra mangkan diara tnata âpu ba tânka, upla ai tânka sip briras sakuna, Gâd diara tara daukan ba, baku sin kau daukaia ba.

Smasmalkra 7:24

¡Yang alkaia sna ba wina laihura baman sa, diara nani sut naha tasba ra ba! ¡Tihu pali sa, upla kumi sin tânka bribia apia!

Smasmalkra 8:17

Kau pali tânka briri upla ba sip ai tânka briras sa, Gâd bui dîa dauki ba bara sin dîa tasba ra taki ba, nahki kat tânka briaia pliki kama sin. Ban sinskira bîla wibia, witin tânka brisa, sakuna kasakka pali ba, witin sin kau tânka pliki sakras sa.

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Jan 3:8

Pâsa ba krawisa, witin ani tani wina krawan dauki ba ra; ai binka ba walisma, sakuna kaikras sma ani tani wina aula sapa bara ani tani ra auya sapa. Baku sa ani uplika Spirit wina aisubi taki ba.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.