Smasmalkra 10:6 - DAWAN BÎLA AISKA

⁶ Sinskas nani ra wark tara daukaia yabisa, bara upla kau tara ba wark bahki ba yabisa.

Smasmalkra 10:6 Iomraidhean Croise

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Ester 3:5

Bara Amán kaikan Mardoqueo ba witin ra ai lula krikras, ai lal sin bawras ba witin kaiki ba ra; bara Amán ba kasak pali lawan.

Lawana Nani 12:8

Wan tnaya bani ra, upla watawi nani wataukisa, bara tasba aiska ba, watawikira mayunisa.

Sins Lâka 19:10

Upla taniskira ba dukia apia sa diara pranakira nani ba tanis munaia, baku sin alba ba sip apia sa, wihta tara nani ba wihtka aimakaia.

Sins Lâka 28:12

Kasakkira nani pura luanka brisa ba ra lilia tara daukisa, sakuna upla watawikira nani pura luanka bri ba ra, upla nani mahka yukuwi banhwisa.

Sins Lâka 28:28

Upla watawikira nani pura lui buya ba ra, upla wala nani mahka yukuwisa; sakuna witin nani âpu taki tanis tiwi ba ra, kasakkira nani ba mita kli pura lubia.

Sins Lâka 29:2

Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Smasmalkra 10:5

Tânka briri swakwanka kum naha tasba ra dauki ba plamaika ba, wihta aimaki nani ba wina bal takisa.