Smasmalkra 10:20 - DAWAN BÎLA AISKA

²⁰ King dahra aisapara, lukankam wal sin apia. Yuyakira dahra saura aisapara, yakan kama sin, kan piawira nani ba pâlisa bara sip sa wih wiaia.

Smasmalkra 10:20 Iomraidhean Croise

2 King Nani 6:12

Bara albika nani tila ba wina kumi ba mita naku win: —Apia, kingki tara, upla âpu sa. Sakuna prapit Ilaidsa, witin sika Israel kingka ra dîa takaia ba sut param pali wisa, king tara uplikam nani aikuki dîa yapaia rumka ra aisisma ba sut param saki wisa.

Ester 2:22

Bara Mardoqueo wali, kwin mairin Ester ra win, bara Ester bui king ra win, Mardoqueo win dahra ba.

Impakan Sturka 22:27

kan baha kwalka ba baman witin unhsakka brisa, kauhla prâka. Yaras kama kaka, ¿dîa wal ai pura praki yapbia? Bamna witin bui yang ra makabia kaka, yang lika witin tâwan aimakamni, kan yang umpira kaikan lâka brisna bamna.

Impakan Sturka 22:28

“Gâd mapara aisi kupia baiwaia lâka ra tuskpara, bara tasbayam ra pura wihta aimaki ba mapara sin lahtubi saura wipara.

Impakan Sturka 8:3

Nilo awala laya ba lukwi, baha wina pikpik baman banhki takbia. Pikpik nani ba baha wina taki, king watla ra bal dimbia, rumkam nani ra sin dimbia, krikrikam nani ra ulbia, uplikam tara nani watla nani ra sin dimbia, upla wala nani watla ra, baku sin britkam angkaika nani ra dimbia.

Aiseya 8:21

Witin nani tasba kum wina tasba wala ra taiban lâka ra taki wabia, plun dauki kabia; plun dauki ba mita, ai kupia baiki kabia. Ai kingka ra, ai gâdka ra sin lahtubia. Witin ai mawan na purara tawi kaikbia

Luk 10:40

Sakuna Marta lika priskan baku prais kata, wark manis daukaia bri kan ba mita. Bamna Jisas lamara, wih, naku win: —Dawan, ¿man lika diara lukras sma ki, muihki ai swin yakan wark takisna na? Bamna wis, hilp ai munbia.

Luk 19:40

Sakuna Jisas pana win: —Yang mai wisni, naha nani ai bîla prakbia kaka, walpa nani ba ai bîla saki wini banhwi kabia.

Apastil Nani Sturka 23:5

Pal bila: —Muihki nani, yang kaikras kapri witin ba prîs tara kan ba, kan Ulbanka ra naku wisa: ‘Man tasbayam wihtka mapara saura aisapara.’