Smasmalkra 10:15 - DAWAN BÎLA AISKA

¹⁵ Sinskas ba wark taki dring pruisa, tawan ra waia yabalka kat sin kaikras.

Smasmalkra 10:15 Iomraidhean Croise

Lawana Nani 107:4

Tiwi watauki banhwi katma upla iwras auhya tasbaya ra, yabal kumi sin sakras kapram ani tawanka ra iwaia.

Lawana Nani 107:7

Baha ningkara yabal yamni ra mai mangkan tawan kum bahara iwaia.

Smasmalkra 10:10

Asa ba malika tiwbia, bara kli mala daukras sa kaka, karna tâm baiki klakaia sma. Kau yamni sa diara nani ba pain daukaia, bara sins lâka ra daukaia.

Smasmalkra 10:14

Sinskas ra sturi aisaia ba danh takras sa. ¿Ya sip sa wiaia dîa takaia ba, upla kumi sin nu âpu sa wan kanra dîa takaia ba?

Smasmalkra 10:16

¡Alai kabia ani kuntrika, tuktan kum king mangki bri ba, bara king luhpia nani ba sihkru dauki lalalwisa!

Smasmalkra 10:3

Sinskas ba, diara sut dauki ba ra marikisa, ai lukanka nani ba umpira sa, ban aisi wabia ba ra, sinskas nani ba baha wala nani sa.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Aiseya 57:1

Kasakkira nani ba pruisa, bara upla âpu sa witin nani dukiara luki ba; waitna pain nani ba lap tiwisa, bara upla kumi tânka briras prubia bara saurka ba wina pri taki auya

Abakuk 2:6

Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”