Smasmalkra 10:14 - DAWAN BÎLA AISKA

¹⁴ Sinskas ra sturi aisaia ba danh takras sa. ¿Ya sip sa wiaia dîa takaia ba, upla kumi sin nu âpu sa wan kanra dîa takaia ba?

Smasmalkra 10:14 Iomraidhean Croise

Job 34:37

Job na upla saurakira baman apia, sakuna kiamapara sa, yawan nani wan mawan kat Gâd lawaska kikisa, bara witin ra aisaia wisi, mapara aisisa.”

Job 35:16

¡Sakuna, Job, man lika diara tânkas baman aisisma, uya pali aisisma, sins tânka âpu pali sa!

Sins Lâka 10:19

Ya sturi ailal aisi ba, swakwanka ailal brisa; upla ai twisa alki takaski nani ba tânkira sa.

Sins Lâka 15:2

Upla sinskira nani aisanka wina, sins lâka ba urhwi takisa, sakuna sinskas nani bîla aisanka wina, tanis lâka tânka nani ba takisa.

Smasmalkra 10:15

Sinskas ba wark taki dring pruisa, tawan ra waia yabalka kat sin kaikras.

Smasmalkra 3:22

Yang daira walri, upla ba diara kau yamni âpu sa, ai warkka wina ai liliaka briaia ba; baha ba witin ra baku takan sa, kan witin ra, upla kumi bui sin brih balbia apia sa, witin pruan ningkara dîa dîa nani bal takbia ba kaikaia.

Smasmalkra 5:3

Kan diara ailal lukan tâka mita, yaprisauhkan saura nani kaikisa, bara ailal aisi ba bâk sturi tanis nani aisisa.

Smasmalkra 6:12

Ya kaikisa, dîa kau yamni kabia upla ba dukiara, ai yua bahki nani kulki baman bri ba tilara, baha ba wan rayaka sa. Ai yua nani ba dista baku lui auya, ¿ya sip sa wiaia, naha tasba ra witin prubia ningkara diara takaia ba?

Smasmalkra 7:14

Ahkia man ra diara yamni taki ba, baha yamnika wal liliam bas, sakuna saura takbia sa kaka, luki kaiks kumi bani ba dukiara, kan baha nani ba Gâd wina sa, kan upla sip ai dahra walbia apia, ai kainara dîa brih aula ba.

Smasmalkra 8:7

ai dahra walras pali sa dîa takaia ba, bara upla kumi sin âpu sa baha dukiara smalkaia ba.

Smasmalkra 9:1

Naha nani sut ra, yang piui aiska yabri baku tânka nani briaia dukiara; kan upla yamni bara sinskira nani warkka sut ba, Dawan mihta ra sa. Upla ba diara kumi sin tânka briras, latwan lâka bara misbara lâka dukiara sin, kau ban kaikisa sakuna.

Isikiel 35:13

Bîlam kwâkram maipara buan lâka wal, bara twisam lanhwan yang maipara aisaia. Yang walri.