Rut 4:10 - DAWAN BÎLA AISKA

¹⁰ Baku sin Moab mairka Rut ba mayi brisna, baha prapatika ba ban Mahlón prahki ba nina ra kulkan kaia. Baku bamna, Mahlón nina ba ai taya nani tila wina sin dikan kabia apia, lap sin tiwbia apia. Man nani baha lâka daukan ba witniska nani sma.

Rut 4:10 Iomraidhean Croise

Kli Smalkanka 25:6

Luhpia waitna pas aisubi takbia ba, aisika pruan ba nina yabia, baku witin nina ba Israel ra tiwbia apia.

Epesus 5:25

Maya waitna nani, mayam mairin ra latwan kaiki kaia sma, sim Kraist mita serts ra latwan kaiki baha pura mata ai rayaka pât mihta ra mangkan ba baku.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Malaquía 2:14

¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Oseas 12:12

Jekob, Aram tasbaya nani ra plapi wih, bâra kan ai maya briaia dukiara, sîp main kaikaia warkka dauki kan.

Oseas 3:2

Bamna yang silbar mâ 15 bara barli mâ batil 330 mana, mairin kum atki briri.

Aiseya 48:19

Man kiamkam nani ba ailal kabia, sip kulkras kabia, kabu auhika baku ba mita; yang aima kumi sin sauhki mai tikamna apia, baku sin yang maiwan wina sin mai slingbi sakamna apia.”

Sins Lâka 19:14

Wan watla, wan yuyaka ailal ba, yawan wan damika nani wina brisa; sakuna wan maya mairin âuya mâira ba lika, Dawan wina yawan brisa.

Sins Lâka 18:22

Maya mairin pliki saki ba diara yamni sakisa: Dawan wina sin yamnika tara alkuya.

Lawana Nani 109:15

piua sut Dawan bui witin nani ra luki kabia, bara witin tasba na wina diki sakan kabia, kli ai kupia kraukbia apia.

Lawana Nani 34:16

Dawan ba saura dadaukra nani mapara sa, witin nani nina ba tasba wina sin tikbia sa.

Jasua 7:9

Kenan uplika nani naha tasbaya ra iwi ba dîa takan na sturka ba sut walbia, bara witin nani sut asla taki bara wan mapara bal aiklabi rau wan sauhki âpu wan daukbia, bara upla sin wan sturka aisaia sin âpu kabia. ¿Bara baha kat man ninam kulkanka tara ba dîa kabia ki?

Blasi Sturka 29:27

Lea wal mayam takram wikka liliaka na dauki tnata alks, bara Raquel sin maikamna, man kli 7 mani wala kum warkki takaia wima kaka.

Rut 4:9

Bara Booz tawi almuk nani ra aisin, upla nani bâra wan ba sut sin walan: —Man nani sut witnis sma yang naiwa Noemí wina Elimélec prahki tasbaya ba sut atki brisni, ai luhpia Quilión bara Mahlón wal tasbaya prapatika ba sin.

Blasi Sturka 38:9

Sakuna Onán ai dara wali kan, witin ai luhpia nani Tamar wal baikbia ba, witin ai luhpia nani baku pali kulkan kabia apia ba. Baha mita, aima bani witin ai piarkika ba wal yapuya ba ra saki laiki kan, mairin ba kwihra tiwaia apia ba dukiara, bara baku ai muihni pruan ba, witin ai luhpia baiki ba ni ai kiamka saki bribia apia dukiara.