Rut 2:3 - DAWAN BÎLA AISKA

³ Bara mâ krakrikra nani mâ kauhan nani ai ninara swin yaba, mahka wahbi kan. Bara kaiks baha baku ban takan nasla ba Booz Elimélec taika ba dukia kan.

Rut 2:3 Iomraidhean Croise

2 Samuil 1:6

Waitna ba pana win: —Yang tâinka briras nahki, sakuna Guilboa ilka ra kapri ba ra, kaikri Saúl ai langsika purara ai tâ baiki bâra kan, bara waihla nani ba sin aras ra uli wagin nani bri pat lamara aula kan alkaia.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

2 King Nani 8:5

Bara Guehazí king ra aisi kan nahki mairin kum luhpia waitna pruan kan rakan ba, baha minitka ra yaptika wapi sut takan, witin lika ai watla ba ai tasbaya ba wal king ra makabaia aula kan. Bara Guehazí mita win: —Yang kingki tara, bika sika mairka, bara naha mairka luhpia sika pruan kan Ilaidsa mita rakan ba.

Matiu 10:29

“¿Witin nani daiwan tnawira lupia wâl lalah mâ sirpi kum mana yabisa apia? Ban sakuna, baku wiras sa kaka, baha nani kumi sin tasba ra kauhbia apia.

Luk 10:31

Bara ban kan, prîs kum sim yabalka bâk auya kan; witin waitnika ba kaikan, sakuna laihku lui wan,

2 Tesalonaika 3:12

Wan Dawan Jisas Kraist karnika mita, baha uplika nani ra smalki wisna bara adar sin yabisna, witin nani sâpkira wark taki kabia, ai pata saki pi kaia dukiara.

Rut 2:2

Yu kumi Rut Noemí ra win: —Aik insla nani ra wamna, bara mâ kriki uplika kum pan kaikamna, witin kra aikbia ai nina bliki mâ kauhan nani ba wahbi kaia. Bara Noemí win: —Was, luhpi mairin.

Rut 2:4

Bara Booz lika Betlehem wina insla ra wan, bara mâ kriki uplika nani ra lakula win: —¡Dawan ba man nani wal kabia! Bara witin nani pana witin ra win: —¡Dawan ai yamnika maikbia!