Mark 3:7 - DAWAN BÎLA AISKA

⁷ Sakuna Jisas ai disaipilka nani aikuki lakun un ra wan, bara Galili wina upla ailal ai nina blikan.

Mark 3:7 Iomraidhean Croise

Matiu 10:23

Tawan kum ra man nani ra ninam bliki rau mai sauhkbia kaka, wala ra plaps; kan kasak pali mai wisna, Upla Luhpia Waitna ba balbia kau man nani Israel tawanka aiska ra waras ba ra.

Matiu 12:15

Jisas naha walan ba ra, baha wina mahka wan, bara upla ailal ai nina blikan. Jisas sikniskira nani sut raki kan,

Matiu 12:16

bara adar sin yan witin ba ya sapa upla nani ra wiaia apia.

Matiu 4:25

Bara upla ailal ai nina blikan Galili wina, Decápolis wina, Jerusalem wina, Judia tawanka nani wina, bara Jordan awala lalma tawanka nani wina sin.

Mark 1:39

Baku Jisas Galili kuntrika aiska ra tauki kan, tawan bani ra Ju nani priaska watla ra smalki, bara pirit saura nani sin kangbi saki kan.

Mark 1:45

Sakuna waitna ba wan, upla sut ra win diara takan ba. Baha mita Jisas sip tawan ra param takras kan, bara tawan wina laihura baman tauki kan, upla âpu tasbaya ra. Sakuna upla tasba ailal wina bal kaiki kan.

Mark 3:20

Bara ningkara Jisas utla kumi ra diman. Bara kli upla ailal pali asla takan, witin nani plun sin piaia sip apia kan ai disaipil aikuki.

Mark 4:1

Jisas kli lakun un ra smalkan ba ra, upla ailal bal ai lamara asla takan. Ailal pali kan bamna, Jisas lakun ra duri kum bâra kan ra aimaki iwan, bara uplika nani sut lika un ra takaskan.

Luk 23:5

Sakuna witin nani ai tâ baiki pali aisin: —Witin ai smalkanka ni Judia aiska ba kupia warbi munisa, Galili ba wina ban naha pali kat sin baku daukisa.

Luk 6:12

Baha piua nani ra Jisas il kum ra uli wan ai pura sunaia, bara witin tihmia aiska Gâd ra ai pura sunan.

Luk 6:17

Jisas il ba wina bal iwi, baha nani aikuki twi langni kum ra takaskan. Bahara upla sin manis pali kata, Judia lamara tawan sirpi nani ba wina, Jerusalem wina, bara kabu un tani Tiro bara Sidón wina sin. Naha nani aidrubi balan Jisas ra walaia bara ai sikniska nani wina sin rakbia dukiara.

Jan 7:41

Wala nani bila: —Naha sika Misaya ba. Sakuna kum kum bila: —¿Nahki Misaya ba Galili wina kabia ki?

Jan 7:52

Bara witin nani mita pana win: —¿Man sin Galili wina sma ki? Ulbanka ba pain aisi kaiks, Galili ba wina prapit kum sin kau taki balras sa. [

Apastil Nani Sturka 17:10

Tihmia pat iwan, wan muihni nani mita Pal bara Silas wal Berea ra blikan wan. Witin nani nan Berea ra diman ba ra, Ju nani priaska watla ra wih diman.

Apastil Nani Sturka 17:14

Wan muihni nani mita aihni pali Pal ba kabu un ra blikan wan. Silas bara Timoti wal lika Berea ra takaskan.

Jasua 20:7

Bara Israel luhpia nani yukuwaika pliska nani bâk saki brin ba, Quedes, Galili ra, Neftalí ilka nani ra, Siquem ba Efraín ilka nani ra, bara Quiriat-arbá, tawanka na nina Hebrón mâki kata, Juda ilka nani ra.

Jasua 21:32

Neftalí kiamka wina tawan yumhpa yan, twi langni pain ba sin sîp main kaikaia pliska baku briaia: Quedes, Galili ra kan ba, yukuwaia pliska baku yus munaia dukiara, Hamot-dor bara Cartán.