Mark 2:8 - DAWAN BÎLA AISKA

⁸ Sakuna Jisas pat kaikan baha nani ai kupia ra luki kan ba, bara makabi walan: —¿Man nani dîa kan baku lukisma ki?

Mark 2:8 Iomraidhean Croise

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Lawana Nani 139:2

Man, yang daukanki nani sut ba kaikisma; yang kupi ra lukisna ba, man laih wina kaikisma.

Sins Lâka 15:26

Upla saurakira luki paskan tânka nani ba, Dawan mita saura pali kaikisa, sakuna ai uplika sunukira bîla tâski âpu aisi ba lika, yamni kaikisa.

Sins Lâka 24:9

Upla taniskira lukanka ba sika, saurka lâka ba; ¡upla âpu sa taniskira wal ai kupia alki takaskaia!

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Isikiel 38:10

‘Yang Dawan sna ba, naku wisni: Baha piua ra lukankam ra diara aihka saura nani balbia daukaia.

Matiu 12:15

Jisas naha walan ba ra, baha wina mahka wan, bara upla ailal ai nina blikan. Jisas sikniskira nani sut raki kan,

Matiu 16:7

Bamna disaipil nani ba ai mânka pana pana aisi kaiki kan: —Witin baha wisa yawan brit bri balras kan ba mita.

Matiu 9:4

Sakuna nahki Jisas pat kaikan baha nani lukanka ba, bara makabi walan: —¿Dîa kan man nani ban lukanka saura bri banhwisma ki?

Mark 2:7

“¿Waitnika na dîa kan baku aisisa ki? Witin lika Gâd mapara aisisa, kan Gâd baman upla saurka nani swih tikaia sip sa.”

Mark 2:9

¿Dîa ba kau swapni sa, wakia lâwan ra wiaia: ‘Saurkam nani ba ban swin tikan sa’, apia kaka witin ra wiaia: ‘Bus, krikrikam ba brih bara waps’?

Mark 7:21

Bîla tani wina, upla kupia wina taki ba lika: lukanka saura nani, rugka lâka, diara implikaia, upla ikaia ba,

Luk 24:38

Sakuna Jisas win: —¿Dîa kan man nani tâ iwan takram, bara dîa muni man nani kupiam ra namhpa namhpa baman lukisma ki?

Luk 5:22

Jisas baha nani dîa luki kan ba pat kaikan, bamna win: —¿Dîa kan man nani baku lukisma ki?

Luk 6:8

Sakuna Jisas baha nani dîa luki kan ba sut kaikan, bara mihta lâwan waitnika ra win: —Man naha lilapas kat bal bus. Waitna ba bal, lilapas kat buan.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Jan 6:64

Sakuna man nani tilamra upla tila nani kau kasak lukras sa. Kan tâ pali wina Jisas lika kaikan, ani uplika nani ba kasak lukras kan, bara ya mita ai waihla nani mihta ra mangkbia ba sin.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Apastil Nani Sturka 8:22

Naha saurka na swi si Dawan ra puram suns, bara ban kra witin baha kupiam ra lukram ba swih tikbia.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.