Joel 3:2 - DAWAN BÎLA AISKA

² Nisan nani ba sut asla kukamna, bara Josafat ilka bîla ra brih wamna; bara yang bui witin nani lâka daukamna, witin nani, yang upliki Israel luhpia nani ra munan ba tâwan. Witin nani mita, Israel luhpia nani ba munan, ai tasbaya wina taki tasba wala nani ra plapan, bara tasbaya ba witin ai mânka taki yui ai dukia brin.

Joel 3:2 Iomraidhean Croise

2 Kronikas 20:26

Yu walhwal luan ningkara, Beracá twiya langnika ra asla taki banhwan, bara bahara witin nani Dawan ra yamni win. Baha mita pliska ba nina mâkan Beracá twi langnika, bara naiwa kat baha nina ba kau mâkisa.

Aiseya 66:16

Âu, Dawan ba pauta klauhan ni lâ kasak daukaisa, sordka ba ni tasba aiska lâka aisi daukbia; upla manis sin yaka prubia.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 25:31

Binka tara ba tasba aiska kir ra auya, kan Dawan nisan nani mapara diara daukuya ba kahbi auya pruikira nani ba sut lâ ra paiwaia, watawikira nani pruaia pâtka ra lakaia. Dawan baku kasak aisisa.’ ”

Jirimaya 49:1

Amón uplika nani ra wiaia Dawan aisin bîla ba: “¿Israel luhpia nani ba anira sa? ¿Witin nani prapati briaia nani ba anira sa? ¿Dîa muni Milcom gâdka ba nanara Gad dawanka takan? ¿Dîa muni Amón uplika nani baha nani tawanka ra iwisa?

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Isikiel 25:8

“Yang Dawan sna ba, naku wisni: Moab bara Seír nani wisa, Juda ba nisan nani wala wal baku sa.

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Isikiel 35:10

‘Man wiram: Israel kuntrika ba, ai kingka lâka wâl kira yang duki kabia; yang ai dawanka kamna, Dawan bâra iwi ban kabia.

Isikiel 36:1

“Bara man, upla luhpia, yang nini ra Israel ilka nani ra aisas bara wis, bîli na walbia.

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Isikiel 39:11

“Baha piua ra Gog ra plis kum yabamna Israel ra, Impapakra Ilka Bîla ra, kabu lamara, bahara upla bikbia dukiara. Baha pliska bâk luaia apia lâka daukbia, bara bahara Gog bara war aiklaklabrika nani sut ba bikbia, bara nina mâkbia Gog war aiklaklabrika nani ilka langnika.

Joel 3:12

Nisan nani sut ridi taks, upla sut Josafat ilka bîla ra man nani was; Dawan aula nisan nani sut wan lama kir iwi nani ba, lâka bahara daukaia.

Joel 3:14

Upla ailal bâra sa Dawan ai kupia wal lâ daukan ba ilka bîla ra, kan pat baila sa Dawan yua ba.

Emus 1:11

Dawan naku aisisa: “Edom uplika nani ba saura ailal pali daukan, bamna yang, witin nani ba sip klala yabras ban swimna apia; kan witin nani aiklabaia sordka ai mihta ra alki brih, ai kupia lukras kira ai muihni Israel luhpia nani ra nina blikan. Ai kupia baiwanka ba, witin nani purara brih lui wan, witin nani misbara kaikan lâka ba tnata âpu pali kata.

Miqueas 4:12

Ban sakuna, baha uplika nani Gâd lukanka ba kaikras, witin dîa daukaia ba tânka sin briras sa; witin baha uplika nani ba asla kukan kabia, plawar mâ klubanka nani kapaia watla ra wahbi brin ba baku.

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 16:14

Naha nani sika dibil nani piritka sain tara nani dauki kan ba. Piritka yumhpa ba mita tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara.

Param Marikanka 16:16

Bara piritka nani ba king nani sut plis kumi ra asla daukan, bara pliska ba Hibru bîla ra Armagedan mâkisa.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 20:8

bara tasba aiska nisanka nani ra kunin munaia taki wabia. Witin mita Gog bara Magog kunin munaia wabia, bara baha wal suldiarka daknika nani ba asla daukbia war aiklabaia dukiara; baha daknika nani ba lika ailal pali sa, sim kabu auhika baku.