Joel 2:3 - DAWAN BÎLA AISKA

³ Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Joel 2:3 Iomraidhean Croise

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Blasi Sturka 2:8

Bara Dawan Gâd bui dus mâ nani giadinka kumi mangkan Eden lalma tani ra, bara witin bui upla paskata ba bahara swin.

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Lawana Nani 97:3

pauta klauhi ba, witin ai tâura auya, bara ai waihla nani kutbi kir bri ba sut ami lubia.

Impakan Sturka 10:15

Tasbaya aiska ba kruhkru nani mita bikan, tasba pali ba sin sip kaikras kan. Diara pâwi kan ba pi âpu daukan, dus nani lî klaswan mita sauhkras kan nani ba sin sut pin. Tawan aiska ra dus wahia kumi sin âpu kan, unta ra sin dus mâ nani sin sut âpu daukan.

Impakan Sturka 10:5

Kruhkru ailal pali kabia, tasba mawan âpu daukbia, tasba pîs sin kaikma apia. Ais mâ auhan bara diara nani kum kum kau ikras yuyaka nani swin kau pâwi ba sut pibia, dus tara nani unta ra pâwi ba sin sut pibia.

Aiseya 14:17

tasba na, twi saura upla iwras tasbaya kum baku daukan, tawanka tara nani ba sut bîla man swin kan ba, silak ra mangkan nani ba sin durka sakras kan ba?’

Aiseya 15:6

Nimrim layawanhta nani sut ba lâwan kabia, twi nani ba sin srawbia, inma wahia nani ba sut prubia, inma wahia kumi sin sangni kabia apia.

Aiseya 33:4

ai waihla nani ba, kasbrika ra tristrisia nani ailal pali baku, witin nani purara kauhi diara bri ba sut mihta dakbisa.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 9:18

Upla nani saurka ba, pauta klauhan baku takan, bara kiaya, rahra nani ba angkisa unta srikra pâwi nani ba sin, dus tara pâwi nani ra sin angkisa, bara kiasma ba pâsa pura bâk sunan uli wîsa.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Jirimaya 5:17

Namsla dâkisma patam mâ ba witin nani pibia, luhpiam waitna nani luhpiam mairin nani ba sin pih âpu daukbia. Sîpkam nani ba, bîpkam nani ba, wain nasla nani, kwah damni dusa nani brisma ba pibia. Aiklabaia dukia nani bri ba ni tawankam karna nani kutbanka ba bahara kasak lukisma ba sut sauhki tikbia.”

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Emus 7:4

Bara Dawan ba kli diara wala naku mairikan: Yang kaikri witin buan ba ra, pauta klauhan ba ni mahka lâ daukan. Bara kabu tihuka tara laya ba klang lawi âpu takan, bara tasba prumhni nani ba sin mahka angki tikuya kan.

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”