Joel 2:1 - DAWAN BÎLA AISKA

¹ Saion ilka purara man nani trumpit ba puhbi bas; Dawan ilka holikira ba purara, man nani bin tara dauks, Juda ra iwi nani ba sut tatatwi kabia, kan Dawan yua aula ba, pat baila sa bamna:

Joel 2:1 Iomraidhean Croise

1 Kronikas 15:28

Baku natka ra Israel luhpia nani sut bui Gâd lâka auhbaia watla ba brih auya kata. Lilia wini, sîp aringka puhbi, trumpit nani bara plit sirpi nani binka kira, bara tramhtram tara, arp binka sut ba wal.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 87:1

Gâd tawanka playka nani ba, Saion ilka holi ba purara bapan sa.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 13:9

Kaiks Dawan yua ba pat aula, saura pali, lawanka tara, kupia baiwanka tara wal, saura dadaukra nani ba tasba wina kusbi sakaia, bara tasba na bîla man swiaia.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Jirimaya 16:10

“Naha bîla nani na man bui witin nani ra wima ba ra, upla nani ba pana man ra mamkabi walbia: ‘¿Dîa muni Dawan baha saurka tara ba yang nani maipara daukaia baku adar yaban? ¿Dîa saurka yang nani Dawanki Gâdki mapara dauki banhri ki?’

Jirimaya 16:7

Taika nani ba maisa nihkaia wisi upla kumi sin plun piaia bri balbia apia, bikaia yula kahbi sin wabia apia, aisika bara yaptika pruan kabia maisa nihkbia apia.

Jirimaya 4:5

“Jerusalem bara Juda ra naha na wis, baha nani kuntrika aiska ra trumpit puhbi maisa paks, karna pali wini wis: ‘¡Kaisa yawan! ¡Asla takaia waia! ¡Baha tawanka kutbanka karna nani ba ra!’

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Isikiel 12:23

Baku bamna wis: ‘Dawan ba naku wisa: Naha sinska bîla na tikamna, bara kau Israel tilara aisan kabia apia.’ Baku sin wis pat lamara pali sa, baha yua nani, diara takaia tânka kaikan nani sut ba.

Isikiel 21:12

Bara man, upla, ¡kisbi karna wins, kan tawanki uplika nani ra ikaia bâk sakan sa, Israel tâ brabrira, wihta nani sut ra! Tawan uplika aikuki baku pruaia ra lakan sa, baku bamna latwan bri lamam pruks.

Isikiel 30:3

pat aula ba dukiara; ¡Dawan yua ba pat aula sa! ¡Yua dista dingkan kum kabia, yua saura pali kum nisan nani mapara!

Isikiel 33:3

Bara aihwawakra ba, suldiar ai waihla nani ba tawan lamara aula ba ra, trumpit ba puhbisa upla ra kaina manis maisa pakaia dukiara.

Isikiel 33:6

Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Isikiel 7:10

“¡Yua ba nâra ki! ¡Pat balan na! ¡Sauhki tikaia yua balan! Saurka ba pura luisa plis bani ra, bara praut lâka ba manis sa.

Isikiel 7:12

Baha yua ba aula, piua ba pat balan. Wala ra diara atki ba dîa mata lilia kabia, atki bri ba sin dîa mata sari kabia. Yang kupi baiwanka ni Israel praut lâka bri ba klala yabaisna.

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Daniel 9:16

Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Oseas 5:8

¡War aiklabaia puhbaika aringka ba, Guibeá ra puhbi banhs, bara Ramá ra trumpit ba puhs! ¡Bet-avén ra bin tara dauks! ¡Benjamín ra bin tanis pali dauks!

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Joel 2:15

¡Man nani trumpit ba, Saion ilka ra puhbi bas! Upla nani ba paiws balbia, witin nani ra wis, kaiki plun wahwi banhbia;

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Joel 3:14

Upla ailal bâra sa Dawan ai kupia wal lâ daukan ba ilka bîla ra, kan pat baila sa Dawan yua ba.

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Emus 5:18

¡Sarkam pali ai daukisa, man nani Dawan yua balka kaikan pali mai dauki ba! ¿Tânka brisma ki baha yua ra man nani ra dîa takaia ba? Baha yua ra yu ingnika ba lika lap tiwbia, tihmia tara baman kabia.

Emus 8:2

bara witin bui yang ra maikabi walan: —Emus, ¿man bâra dîa kaikisma? —Dus mâ pawan baman kûa banhki kum na kaikisna —wîri. Bara Dawan naku ai win: —Yang upliki Israel nani ba, dus mâ pawan baku sa; rausauhkaia yua ba bal aimakan sa; witin nani saura dauki ba ban kupi alki brih kaiki kamna apia.

Abdías 1:15

Upla wala nani ra dîa daukram ba, man sin baku mai daukbia. ¡Dîa daukram ba mana kulki maikan kabia! “Dawan ai warkka nisan nani sut mapara daukaia yua pat baila sa.

Sofonías 1:14

¡Dawan yua tara aula ba, pat baila sa! ¡Pat klutka sa, baku sin isti pali aula! Dawan yua binka tara ba, saura, tahpla pali kabia, ¡kau kupia karnakira nani ba sin ini wini kabia!

Sofonías 1:16

Trumpit puhbi karna winaia yua kabia, tawan tara karna nani mâkan ba ra, tawer purara paskan ba mapara sin.

Sofonías 1:7

¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Sakaraya 14:1

Dawan lâ daukaia yua ba pat aula, Jerusalem, dukiam nani mihtam dakbia ba, kli man nani tilamra yui maikan kabia.

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Kulki Kaikanka 10:2

“Amar ni pruki silbar trumpitka wâl paskma, baha nani ba puhbi upla nani ba paiwbia, utla nani ba plis wala ra lakaia dukiara sin.

Kulki Kaikanka 10:3

Trumpit nani ba wâlsut puhban kabia ba ra, upla nani ba sut man mamwanra asla takan kabia Dawan wal aisaia tintka watla dimaika ra.

1 Korint 14:8

Bara war aiklabuya ba ra, sim trumpit binka ba latan kangbras sa kaka, suldiar kumi sin aiklabaia ridi takbia apia.

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

1 Tesalonaika 5:2

Man nani pain kaikisma, Dawan yua ba lika bîla kaikras pali kama ba ra balbia, sim âimplikra kum tihmia ra aula ba baku.

Jems 5:8

Man nani sin wihka bîla kaiks, kupiam sin dutki bri bas, Dawan balaia yua ba pat baila sa bamna.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”