Joel 1:7 - DAWAN BÎLA AISKA

⁷ Wan wainka kiwka nani kata ba sut pin sa, wan kwah damni dusa wahia nani kata ba sin sut pin; bara dusa taya baman swin sa, tnawa nani ba pihni diara âpu swin sa.

Joel 1:7 Iomraidhean Croise

Lawana Nani 105:33

Ai wainka nasla nani, bara kwah damni dusa nani ba sauhki âpu daukan, Idsip dusa nani kan ba sin sut batakan.

Impakan Sturka 10:15

Tasbaya aiska ba kruhkru nani mita bikan, tasba pali ba sin sip kaikras kan. Diara pâwi kan ba pi âpu daukan, dus nani lî klaswan mita sauhkras kan nani ba sin sut pin. Tawan aiska ra dus wahia kumi sin âpu kan, unta ra sin dus mâ nani sin sut âpu daukan.

Aiseya 24:7

Wain ba tiwan, wain dusa ba sin siknis alkan, kupia lilia nani kan ba sut ai mamna lulkan.

Aiseya 32:12

Man nani lamam pruki inma insla painkira nani kan ba, wain dusa mâirira kan sauhkan ba sarka.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Jirimaya 8:13

Dawan kasak aisisa: “Plawar mâ klaki baku upliki nani ba klakaisna, wain mâ kumi sin kiwka ra swibia apia, kwah mâ kumi sin dusa ra swibia apia. Wahia lâwan nani baman bâra kabia.”

Oseas 2:12

Wainka nasla bara kwah damni dusa nani bri ba sut sauhki tikamna. Baha nani dukiara sika aisisata ba: ‘Naha ni sika laitwankira nani maina aibapan ba.’ Nasla ba yarka inma man pâwbia, bara daiwan wail nani man pibia.

Joel 1:12

Wain nasla ra, wain kiwka nani ba sut lâwan, bara kwah damni dusa nani sin sut pruan. Drap nani, supa sâtka dusa nani ba sin lâwan, mâ damni saki dusa nani sut sin, bara dus mâ sâtka wala nani insla ra bâra kan ba lâwan sa. ¡Bara baku sin upla nani liliaka ba sut srawi lui âpu takan sa!

Emus 4:9

“Yang bui sika pâsa lapta wal krawi ba ni, bara siknis saura nani bliki klala maikri ba, namsla nani sut sin yabri srawan, tristrisia nani taki wainkam, kwah damni dusa olivkam nani pâwi kan sut pin ba. Baha sut daukri, sakuna man nani lika yang ra kli tawi balras kapram.” Dawan baku kasak aisisa.

Abakuk 3:17

Kwah damni dusa ba ai mâ sakras kabia kra, wain dusa nani ba, oliv dusa nani ba sin ai mâ sakras kabia kra, insla nani ba sin mâ sakras kabia kra, sîp daknika nani ba sin sut âpu takbia kra, sîp watla nani ra sîp âpu kra kabia sin,

Malaquía 3:11

Namsla mâ tilwan nani ba, wain nasla nani brisma ba sin swirka liwa nani mita pih tikbia apia.