Joel 1:4 - DAWAN BÎLA AISKA

⁴ Kruhkru nani ba kli bal plun mâ nani ba pih danh daukan, bara dîa kau piras swin kan ba wala nani balan baha nani mita pih âpu daukan.

Joel 1:4 Iomraidhean Croise

1 King Nani 8:37

“Ban kra tasbaya ba ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia, witin nani iwi tasbaya ra waihla nani bui bal kutbi bribia kaka bara pât wala siknis sât wala nani balbia kaka,

2 Kronikas 6:28

“Ban kra tasbaya na ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia; witin nani iwi tasbaya ra waihla nani bui bal kutbi bribia kaka, ani ani pâtka, apia kra siknis nani balbia kaka,

2 Kronikas 7:13

Yang kasbrika ba prakamna kaka, lî auhaia apia daukamna, bara tristrisia nani blikamna tasba na sauhkaia, bara siknis sâtka blikamna naha uplika nani ra,

Lawana Nani 105:34

Gâd aisin, bara tristrisia balan, ¡ailal, sip kulki sakras kan!

Lawana Nani 78:46

tristrisia blikan pata mâ nani sut pin, baha nani kasak wark takata ba.

Impakan Sturka 10:4

Upliki nani ba swirka waras ban maipara buisma kaka, yang yauhka pali tasbayam purara kruhkru tara nani blikamni.

Impakan Sturka 10:5

Kruhkru ailal pali kabia, tasba mawan âpu daukbia, tasba pîs sin kaikma apia. Ais mâ auhan bara diara nani kum kum kau ikras yuyaka nani swin kau pâwi ba sut pibia, dus tara nani unta ra pâwi ba sin sut pibia.

Aiseya 33:4

ai waihla nani ba, kasbrika ra tristrisia nani ailal pali baku, witin nani purara kauhi diara bri ba sut mihta dakbisa.

Jirimaya 51:14

Dawan karnika sut bri ba ai rayaka ni swer taki aisin: “¡Man waihlam nani ailal tristrisia nani baku bri balaisna, bara man nani puram luan lawana ba aiwanbia!”

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!

Joel 2:25

“Yang bui man nani mampara kruhkru nani blikri rau mai sauhki banhwaia dukiara, kruhkru daknika tara, klala maikaia blikri ba tâka, man nani namsla bîla wina mâ nani sakras kapram ba, baha mana aiska sut yang kli mai aibapamna.

Emus 4:9

“Yang bui sika pâsa lapta wal krawi ba ni, bara siknis saura nani bliki klala maikri ba, namsla nani sut sin yabri srawan, tristrisia nani taki wainkam, kwah damni dusa olivkam nani pâwi kan sut pin ba. Baha sut daukri, sakuna man nani lika yang ra kli tawi balras kapram.” Dawan baku kasak aisisa.

Emus 7:1

Dawan, witin dîa daukaia kan ba mairikan, bara yang kaikri. King ai nasla disang ra, mâ nani mangkan ba dâki brin. Ningkara klisnika nani mangkan ba kainara, Dawan ba kaikri tristrisia nani paski kan,

Malaquía 3:11

Namsla mâ tilwan nani ba, wain nasla nani brisma ba sin swirka liwa nani mita pih tikbia apia.

Kli Smalkanka 28:38

Saumuk nani ailal tasba ra mangkma, kuna wiria baman wahbi kama, kan tristrisia nani bui sut sauhki kabia bamna.

Kli Smalkanka 28:42

Tristrisia nani mita dusam nani bara tasbaya ba sauhkan kabia.