Joel 1:2 - DAWAN BÎLA AISKA

² Tawan almukka nani, naha na pain wali banhs, naha tasbaya ra iwi banhwisma nani sin sut. ¿Naha sut pâtka tara na, man nani piuam ra pat takan kaikram ki? ¿Aisikam nani yua ra sin, naha sât pâtka nani takan kaikan kata ki?

Joel 1:2 Iomraidhean Croise

Job 12:12

Almuk nani ba sins lâka brisa, kan mani ailal tasba ra iwan, diara nani kaikan ba tânka ba wina sins lâka brin.

Job 15:10

Yang nani lika upla almuk nani, man aisikam ba wal kau diara tânka bri banhwisna.

Job 21:7

¿Dîa muni upla saura nani ba kau ban raya sa ki, bara almuk takisa ai karnika uya pali ba wal?

Job 8:8

Damikam nani ra makabi wals, bara witin nani diara tânka kaiki kan ba tânka wina man sin diara tânka kaikaia lâka brima.

Lawana Nani 49:1

Pain wals naha na, upla nani sut, tasba aiska ra iwi banhwisma ba;

Aiseya 34:1

Nisan nani sut, man nani lamara bal, sturi na wals; man nani sut asla taki sturi na wals. Tasba walbia, baha bilara bâra ba sin.

Aiseya 7:17

“Dawan mita daukbia man puramra balaia, uplikam nani purara, bara aisikam watla purara sin, Efraín, Juda wina dakwi takan yua sâtka nani takan ba baku ba.” (Naha sika Asiria kingka dukiara aisisa.)

Jirimaya 30:7

¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Daniel 12:1

‘Baha piua ra Maikel ba latan takbia, witin sika insal tara pali uplika nani kaina kahbi ba. ‘Baha piua ba lika kupia wirha piua kabia, upla nani iwan ba piua wina kau baha sât piua ba âpu kata, nisan nani bâra ba tilara. Baha piua ba aimakbia ba ra, man uplikam nani ba sut swaki sakan kabia, man wauhkamtaya ra ai nina ulbi mangkan nani ba.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Emus 3:1

Israel luhpia nani, man nani wals Dawan naha bîla nani aisi wi ba, Idsip tawanka wina sakan uplika nani ra:

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 5:1

Israel luhpia nani, bîli nani na wals; man nani mampara sarikira inisna ba wali banhs.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Miqueas 3:1

Man nani wihtka nani, Israel tâ uplika nani aimakisma ba, nanara yang aisanki na wals: ¿Kasakka lâka tânka briaia ba, man nani warkkam sa apia?

Miqueas 3:9

Bamna naha na wals, Israel tâ brabrira bara wihtka nani, man nani kasakka lâka ra waihla kaikisma ba, bara wapni lâka ba, warbanka lâka ra lakisma ba:

Matiu 13:9

Man nani kiamam walaia brisma kaka, wali bas.”

Matiu 24:21

kan baha piua ra pât wahwanka nani manis kabia, bara bahmuna patitara piua wina âpu kan, tasba paskan wina, naika piua ra sin baku kabia apia.

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’