Jems 5:10 - DAWAN BÎLA AISKA

¹⁰ Muihki nani, pât wahwaia ba sampla baku bris, Gâd prapitka nani, pât wahwi wihka bîla kaiki, Dawan bîla aisi kan.

Jems 5:10 Iomraidhean Croise

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Aiseya 39:8

Bara Ezequías mita Aiseya ra win: —Dawan bîla man aisaram ba kasak pali sa. Ba ningkara win: “Yang yui nani ra kupia kumi sibrin luha pan lika bâra kabia.”

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 23:22

Witin nani ba yang tâinka dahra prakan ba tânka kaikan kata kaka, baku lika witin nani bui yang upliki nani ra aisaia sip kan; bara baha nani yabal saura nani ba sin swiaia kan ai daukanka saura nani ba sin swiaia kan.”

Jirimaya 26:16

Bara wihta nani ba bara upla wala nani ba sin prîs nani ra bara prapit nani ra sin win: “Dîa tâwan naha waitnika na pruaia pâtka ra lakaia tânka ba âpu sa; witin Dawan, wan Gâdka nina ra yawan ra aisin.”

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!

Luk 6:23

Baha piua liliam pali bas, liliam aibanhwi bas, kan man nani kasbrika purara ba wina prisant tara brima; baha sim natka ra sika baha uplika nani damika nani mita prapit nani ra saura munan.

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Hibru Nani 13:7

Man nani tâm brin uplika nani ba kupiam krauki bas, witinka nani Gâd sturka yamni mai smalkan ba. Witin nani nahki iwi kan bara nahki pruan ba sin man nani luki bas, bara ai kasak lukan lâka natka nani ba kat dauki bas.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

Jems 5:13

Man nani tilamra upla kum pât wahwisa kaka, ai pura sunaia sa. Ya ai kupia lilia kaka, Gâd ra mayunra lawana nani aiwanaia sa.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.

Jems 5:9

Muihki nani, pana pana brukwanka bripara, baku lâmka daukbia apia; kan Gâd, witinka Wihta aimaki ba, dur lama kat buisa.