Jems 4:10 - DAWAN BÎLA AISKA

¹⁰ Gâd mawanra mâyara bawi bas, bara witin mita purara mai bukbia.

Jems 4:10 Iomraidhean Croise

2 Kronikas 7:14

upliki nani ba yang ra bawbia kaka, yang nini ra ai pura sunbia, bara yang maiwan plikbia kaka, bara ai yabalka saura nani ba wina ai kupia lakbia kaka, yang kasbrika pura wina walamni, ai saurka nani ba swih tikamna, bara ai tasbaya ba kli pain daukamna.

Job 22:29

Kan Gâd lika pura luan dauki ba mâyara batakisa, bara bawikira ba swaki sakisa.

Job 5:11

bawikira nani ba witin mita purara bukisa, sari bri ini nani ba, witin bui lilia daukisa;

Lawana Nani 113:7

Witin lika upla umpira nani ra tasba wina bukisa, bara diara luha uplika ba mâya wina bukisa.

Lawana Nani 27:6

Bara sip kamni laila ba purara bukaia waihli nani ba purara; bara sip kamni, Dawan watla ra mayunra sakripaiska dauki yaia; lilia mita puri wini, lawana nani Dawan ra aiwanamna.

Lawana Nani 28:9

Dawan, uplikam nani ba swaki sâks; yamni muns, witin nani ba man uplikam sa. Sepad yamni kum baku witin nani ra main kaiks; ¡klamhkla ra alki ban kaia ra bri bas!

Lawana Nani 30:1

Dawan, yang mamyunisna, kan man purara ai bukram bamna, bara waihli nani yang maipara saura aisi kikaia ba wina takaskram.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Sins Lâka 29:23

Upla prautkira ai prautka mita witin ba tasba ra batakbia, kuna ai spiritka ra mâyara bawi uplika ba mayunra alkbia.

Isikiel 21:26

Yang Dawan sna ba, naku wisni: King kwalka ba mihtam dakbia, king kraunka ba drusbi mihtam wina sâkbia, bara diara sut ba aihka kabia. ¡Il tara ba tâ pali ra ulbia, twi langni ra ba, bara il tâura pali nani ba tasba ra kauhbia!

Matiu 23:12

Kan ya tara puli ba, mâyara ikan kabia, sakuna ya mâyara bawi ba, tara daukan kabia.

Luk 1:52

King nani ra ai iwaika wina yaban mâyara iwan bara bawikira nani ba lika purara bukan.

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

1 Pita 5:6

Bamna, Gâd mihta karnikira ba munhtara bawikira nani bas, bara baku witin mita piua kat mai bukbia.

1 Samuil 2:7

Dawan bui umpira wan daukisa, yuyakira sin wan daukisa, wankan kauhisa bara wan bukisa.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.