Jems 3:8 - DAWAN BÎLA AISKA

⁸ Sakuna wan twisa ra lika upla mita sip tim daukras. Upla mita ai pura yan luras sa, bara upla ra ikaia puisinka ni banhki sa.

Jems 3:8 Iomraidhean Croise

Lawana Nani 140:3

Witin nani ai twisa ba mala sa piuta twisa baku; aisinka nani ba piuta puisinkira nani puisinka baku sa.

Lawana Nani 55:21

Ai aisinka nani ba butar lalalnika baku aisisa, sakuna ai lukanka nani ba lika war bukisa. Ai bîla aisinka ba batana baku swapni sa, sakuna baku apia sa, sim sord malika baku brisa.

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Lawana Nani 58:4

Piuta baku puisinkira sa, piuta puisinkira nani upla iki ba baku sa, witin sin sturi walras, ai kiama ba prakisa

Lawana Nani 59:7

Ai bîla wina ukata baman sakisa, wan aisi ba wan insauhkisa: “¡Baha sika upla kumi sin wan walan daukras!”

Sins Lâka 17:20

Lukanka warha uplika ba, ban pali diara yamni wal prawbia apia; bara ai twisa kuninkira bri ba, trabil ra kauhbia.

Smasmalkra 10:11

¿Dîa hilp sa ki, piuta âialkra ba, piuta ba bui kau yabakras kan tawi sami ba?

Roman 3:13

Ai kârma nani ba sin raiti durka kwâkan baku sa; ai twisa ba aisi kunin baman sa; ai un nani ba piuta puisinka nani yukuki brisa.

Kli Smalkanka 32:33

ai wainka ba piuta puisinka baku sa, ¡piuta puisinkira wan saman ban prui ba baku sa!

Jems 3:6

Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

Jems 3:7

Upla mita daiwan kraskira sât sât tim daukaia sip sa: daiwan tnawira nani, piuta nani, kabu daiwra nani, bara baha nani ba tim daukaia sip sa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.