Jems 3:6 - DAWAN BÎLA AISKA

⁶ Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

Jems 3:6 Iomraidhean Croise

2 Samuil 16:20

Kau tisku Absalón bui Ahitófel ra makabi walan: —¿Man nani dîa kupia kraukanka wankisma yawan daukaia?

2 Samuil 19:43

Israel wina uplika nani ba pana win: —Yang nani king purara kau aima matawalsip prais raitki brisna man nani purkamra. Baha purkara sin kiamka nani baku, yang nani ba man nani muihkam almuk nani. Baku bamna, ¿dîa muni bahki wan kulkisa? ¿Yang nani pas luki kaikras katna ki wan kingka ba kli tawi balaia ba dukiara? Ban sakuna, Juda uplika nani ba kau karna aisi kan Israel luhpia nani ba wal.

2 Kronikas 13:17

Abiam ai uplika nani aikuki Israel luhpia nani ba kasak ikan, Israel suldiarka pain nani ba 500,000 pruan.

Lawana Nani 140:3

Witin nani ai twisa ba mala sa piuta twisa baku; aisinka nani ba piuta puisinkira nani puisinka baku sa.

Lawana Nani 64:3

Baha nani ai twisa, sord baku mala dauki bara trisba nani lulki baku, bîla saura puisin nani aisisa.

Sins Lâka 15:1

Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

Sins Lâka 16:27

Upla watawikira ba, saurka lâka kubuska kum sa; ai bîla aisinka pali nani ba wina pauta lakni man takisa.

Sins Lâka 6:19

Witnis kuninkira ai bîla wina kunin man aisi ba, bara ani uplika tuski unsaban daukisa ai muihni nani tilara.

Sins Lâka 7:5

Witin mita pri mai sâkbia upla maya wina, baha tringsar maisa kakapra bîla aisi ba wina sin.

Aiseya 30:27

Man nani kaiks, Dawan ba laih wina param taki aula ba; ai kupia baiwanka ba, pauta klauhan lakni kiasmika siksika baku sa, ai un nani ba, ai kupia baiwanka pali man aisisa, bara ai twisa ba pauta klauhan baku sa, âpu wan tikaia,

Aiseya 50:11

Sakuna baha nani sut pauta klauhan muki ba bara trisbaya nani aswi ba, ridi dauki ba witin nani baha pauta klauhan kat kli ambia, witin nani ai pata klauhan ba ra kli tawi kauhbia, man nani mihtam ni trisbaya nani pauta klauhan daukram ba munhtara. Baha klalka ba Dawan mita man nani ra blîkbia, bara baha pâsa saura lika prawi kama.

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Kulki Kaikanka 25:2

Mairka nani ba mita witin nani ra paiwan ai gâdka nani ra sakripais dauki yaban piua ra. Bara Israel luhpia nani ba sin baha pata ba pih, Moab uplika nani gâdka ra bawi ai pura suni mayuni banhwi kan.

Kulki Kaikanka 31:16

Baha mairka nani sika Balaam smalkanka ba wali, Israel luhpia nani ra brih wan, Dawan mapara bûi saura daukaia, bara Baal-peor ra mayunaia, baha tâwan Dawan bui klala blikan upla nani purara.

Matiu 12:24

Parisi nani naha walan ba ra, naku aisi banhwan: “Naha waitnika lika Bilsibub, dibil nani wihtka ba, witin mita naha waitnika ra karnika yabisa lasa nani ba kangbi sakaia.”

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Mark 7:15

Dîa dîa lata wina upla ra dimi ba, sip tâski daukras. Sakuna upla kupia wina taki ba lika, upla ra tâski daukisa.

Luk 16:24

Bamna witin winan: ‘Aisiki Ebraham, yang ra umpira lukram, bara Lasarus ba blîks ai mihta tâ ba lî buski muni bal twisi tâ na pan buski kauhla daukbia, kan yang na naha pauta ra kasak pât wahwisni.’

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Apastil Nani Sturka 6:13

Witin nani lika witnis kuninkira nani bri balan, bara witin nani mita Stiben mapara mahka naku kunin aisin: —Naha waitnika lika tempel na mapara bara lâ ba mapara sin saura aisin.

Kli Smalkanka 13:6

“Ban kra muihkam, luhpiam nani, mayam lamtwankira, apia kaka pâmnika man wal kau pain ba mita, damra walras tukbi mai dingkbia gâd wala, damikam nani sin kaikras kan ba ra mayunra dauki yabaia,

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Jems 2:7

Witin nani sika Kraist mapara saura aisi ba, baha nina painkira mita sika man nani ra kristian mai mâki ba.

Jems 3:7

Upla mita daiwan kraskira sât sât tim daukaia sip sa: daiwan tnawira nani, piuta nani, kabu daiwra nani, bara baha nani ba tim daukaia sip sa.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

3 Jan 1:10

Baha mita yang wamna ba ra, witin ba maiwanra paiwi lawi daukamna, yang nani ninira aisi si, bara kunin baman sin aisi wataukisa. Bara baha baman apia, kuna wan muihni nani witin ra auya ba pain briras, bara ani uplika baha briaia wibia kaka, mapara aisi bara Kraist daknika tila ba wina kangbi sakisa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 18:23

Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.