Jems 3:2 - DAWAN BÎLA AISKA

² Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

Jems 3:2 Iomraidhean Croise

1 King Nani 8:46

“Ban kra mampara saurka daukbia kaka, upla kumi sin âpu sa saura daukras ba, bara man bui witin nani ra kupiam sauhki, ai waihla nani mihta ra mangkma kaka, witin nani ba alki priski brih wabia, waihla tasbaya ra, laihura kra, apia lamara kra,

2 Kronikas 6:36

“Ban kra mampara saurka daukbia kaka, upla kumi sin âpu sa saura daukras ba, bara witin nani ra lawma kaka, ai waihla nani mihta ra mangkma kaka, witin nani ba alki priski brih wabia waihla tasbaya ra laihura, apia lamara kra,

Job 15:13

¿Dîa muni Gâd mapara buisma, bara twisam alki takaskras sturi aisisma?

Lawana Nani 34:13

Ban kaka, twisam ba saura aisapara, unam nani sin kunin lâka aisaia ba wina sâks.

Lawana Nani 39:1

Yang wîri rayaki yabalka na main kaiki kaia, bara yang twisi ni saura daukaia apia wîri, uni nani ra wilkaika kum ni wilkamni, upla watawikira nani ba, yang maiwanra bûi ban sa bamna.

Sins Lâka 10:19

Ya sturi ailal aisi ba, swakwanka ailal brisa; upla ai twisa alki takaski nani ba tânkira sa.

Sins Lâka 13:3

Witin ai bîla alki yamni bri ba, ai rayaka ba sin alki brisa; sakuna ai bîla uya kwâki ba lika, sauhki tikan kabia.

Sins Lâka 20:9

Upla kumi sin sip wiras: “Kupi na tâski âpu pali brisna, saurka sut pali wina yang sunu pali sna.”

Sins Lâka 21:23

Ya ai tânka brisa dîa aisi ba, aima kumi sin pât ra dimras sa.

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Libait Lâka 13:39

prîs ba laki kaikbia, pihni nani ailal sa bara siksa sin, sakuna taya purak baman baku sa kaka, witin mita wibia uplika ba klin sa.

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 12:37

Kan man bîlam aisaram nani tâka wina lâmka daukan kabia, bara pâtkas apia kaka pâtkira mai kulkan kabia.”

Roman 3:10

Ulbanka nani ba wisa: “¡Upla yamni dauki ba âpu sa! ¡Kumi sin âpu sa!

Roman 7:21

Baku ba mita, naha yang ra takisa: ani piua ra diara pain daukan ai dauki ba ra, diara saura baman yang wîni ra kaikisni.

1 Korint 9:27

Sakuna, wîni tara na rausauhkisna bara taibi munisna bîli walbia, baku mika yang bui upla wala nani ra smalkisna tâinka ba aihwa apia ai kulkbiara sîa.

Galesha 3:22

Sakuna Ulbanka ba wisa, sut lika saurka mita priski silak ra brisa; naha na naku sa, ya Jisas Kraist ra kasak lukbia ba, sip sa Gâd bui dîa pramis munan ba briaia.

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

Jems 1:4

Trai kaiks baha bapi buram ba kat kauhras ban kaia, baku mika man nani upla aiska bara aitani kat kama, diara sut sin bri kama.

Jems 2:10

Ya lâ aiska ba wina kumi ra sim kulkras kaka, witin lâ bîla ba sut krikisa.

1 Pita 3:10

Bamna Ulbanka ra naku wisa: “Ani uplika ai rayaka yua nani sut ra lilia bara âuyapah kaia want sa kaka, witin ai twisa ba wilkaia sa saura aisaia apia, bara kunin nani aisi ba sin mahka swibia.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.