Jems 3:10 - DAWAN BÎLA AISKA

¹⁰ Sim bîla wina mayunra nani bara lahtuban nani sin takisa. Muihki nani, naha na naku kaia sip apia sa.

Jems 3:10 Iomraidhean Croise

Blasi Sturka 20:9

Baha ningkara Abimélec Ebraham ra paiwan balan, bara witin ra win: —¡Kaiks, man dîa pali luki yang ra naku ai daukram ba! ¿Yang na dîa saurka ban man mampara daukri, bara man bui yang purira, kingki tasbaya purara sin, naku saurka tara pali ba bri balaia daukram na? Upla baku diara daukras.

2 Samuil 13:12

Witin pana win: —Apia, laikra, swiri daukpara, naku kau Israel ra daukras sa. ¡Naha sât swira lâka daukpara!

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Roman 12:14

Rau mai sauhki nani ra yamni muns; Gâd ra makas witin nani ra yamni munbia, kuna saura munbia dukiara lika apia.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Timoti 5:13

Witin nani sin upla watla ra kirhbi wih sturi bahki baman aisi ai taimka ba bahki ra baman tikaia lan takisa; sakuna kau saura pali, witin nani ba upla nina aisaia bara upla bisniska tilara dimaia lan taki banhwisa, bara diara aisaia apia nani ba baman aisi taukisa.

Jems 1:16

Muihki laitwankira nani, upla yarka kunin mai munbiara;

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.

Jems 3:11

Lî kârma kum wina sip lî damni bara lî tahpla taki laiwras.

Jems 3:9

Naha sim twisa ni, wan Aisika Dawan ra mayunisa, bara upla nani Gâd ai lilka kat paskan nani ba ra lahtubisa.

1 Pita 3:9

Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.