Jems 2:6 - DAWAN BÎLA AISKA

⁶ Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?

Jems 2:6 Iomraidhean Croise

Job 20:19

Umpira nani ra taibi muni dukia dakbi bara ban lulki swin, utla nani witin mita mâkras kan ba dawanka takan.

Lawana Nani 10:10

Witin bawi ayaswisa, bara hilpkas nani ba bal ai asmala nani kat kauhisa.

Lawana Nani 10:14

Man bui kaikisma, saura munaia, watawika lâka bri ba; man baha kaikisma, ¡witin nani briaia ba, pana man bui witin nani ra yama! Hilpkas uplika nani ba, ai lâka man mihtam ra mangki swisa; man sika rau takan nani ba hilpka aimakisma.

Lawana Nani 10:2

Upla watawi prautkira nani ba mita, upla umpira bawikira ra lawi nina blikisa; sakuna baha diara saura nani, witin nani ai kupia ra luki paski kan ba ni, yarka kli ai mina ba alkbia.

Lawana Nani 10:8

Witin tawan sirpi nani ra upla tila nina maya dimisa, witin yukuwi upla pâtkas ba ikisa; witin ai nakra nani wina, hilpkas pali nani ba sip yukuwras:

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 14:6

Witin nani mita upla umpira nani brin dauki pliki ba, lawaska kikisa; sakuna Dawan bui witin nani kan kahbisa.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Sins Lâka 18:23

Upla umpira ba diara makabi bîla nani ni aisisa; sakuna lalahkira ba ai bîla karna man aisisa.

Sins Lâka 22:16

Ya ya umpira uplika ra taibi muni ba witin ai dukia kan manis briaia mata, apia kaka ya yuyakira diara yabi ba, baha uplika diara luha takbia.

Sins Lâka 22:7

Umpira nani tilara, lalahkira ba king sa; tras dadimra tilara, lalah lin mamunra ba.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 5:11

Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Abakuk 3:14

Man trisbaikam nani ni, witin nani ai wihtka tara ba ikram, witin nani ai araska âiulra nani ba, pâsa saura karna krawi ba baku, yukuwan lâka ra bal takan, upla nani ai kan kahbaika âpu nani ba mapara, bara yukuwan lâka ra sauhki tikaia.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Jan 8:49

Jisas baha nani ra win: —Yang pirit saura kumi sin âpu. Diara daukisna ba lika Aisiki mayunaia dukiara, sakuna man nani lika saura ai wisma.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 17:6

Witin nani bahara sakras kan bamna, Jasón bara wan muihni tila nani alki raski, tawan wihtka nani mawanra bri si muni, bara ai tâ baiki winan: —Naha waitnika nani mita sika tasba aiska na makupisa, ban naha kat sin balan,

Apastil Nani Sturka 18:12

Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si,

Apastil Nani Sturka 8:3

Bara Saulo lika kau ban serts ra rausauhki kan; witin utla bani ra dimi tauki kan, waitna, apia kaka mairin kra sâkbia kaka, raski saki silak ra mangkaia dukiara.

1 Korint 11:22

¿Man nani wamtla nani âpu ki, bahara plun piaia bara diara diaia? Naku dauki banhwisma ba ra, Gâd sertska ba bahki kulkisma, bara diara âpu uplika nani ra swira daukisma. ¿Naha dukiara dîa mai wimna bîla kaiki banhwisma? ¿Man nani ra mamyunaia sna ki? ¡Naha dukiara lika yang sip mamyunras sni!

Jems 2:3

bara kwala painkira dimi ba ra kau kulkanka yabi muni wima: “Man naha pliska pain na ra bal iws.” Sakuna waitna umpira ba ra lika: “Man bahara wih bûi bas, apia kaka naha tasba na ra iws” baku daukisma ba ra,

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Jems 5:6

Pâtkas nani ra man nani mita pât ra dingki ikram, bara witin nani mampara sin buras kan.